Հայերեն
ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Հայաստանի տարածքային ամբողջականության դեմ հանցագործություններ կատարելու համար 15 քրեական գործ է հարուցված, բայց ոչ մի անձի նկատմամբ հետապնդում չի իրականացվում

ԻՐԱՎՈՒՆՔ

2021-2022թթ․ ՀՀ տարածքային ամբողջականության դեմ ուղղված հանցագործություններ կատարելու համար հարուցվել է շուրջ 15 գործ, որոնցից որևէ մեկով որևէ անձի նկատմամբ քրեական հետապնդում չի իրականացվում, որևէ անձ մեղադրյալի կարգավիճակ չունի։ Այս մասին «Փաստինֆո»-ն տեղեկանում է ՀՀ գլխավոր դատախազություն ուղարկված հարցման պատասխանից։

Մասնավորապես, «Փաստինֆո»-ն գրավոր հարցմամբ դիմել է ՀՀ գլխավոր դատախազություն՝ պարզելու, թե 2020թ․ Սյունիքի մարզում առանց սահմանազատման-սահմանագծման աշխատանքների իրականացման օրենքով սահմանված գործընթացի՝ Ադրբեջանին տարածքներ հանձնելու դեպքի առթիվ նյութերի նախապատրաստման արդյունքում ինչ որոշում է կայացվել, ՀՀ տարածքային ամբողջականության դեմ ուղղված քայլերի դեպքի առթիվ արդյոք առկա է քրեական գործի հարուցումը մերժելու որոշում, եթե այո, ապա երբ է կայացվել որոշումը և ինչ հիմքով, իսկ եթե առկա է քրեական գործ հարուցելու մասին որոշում, ապա երբ է կայացվել որոշումը և ինչ հատկանիշներով, ինչ փուլում է գտնվում գործը և արդյո՞ք որևէ անձի մեղադրանք ներկայացվել է։

ՀՀ գլխավոր դատախազությունից, պատասխանելով առաջին հարցադրմանը, նշել են, որ 2022թ ապրիլի 25-ին ՀՀ զինվորական կենտրոնական դատախազության զինվորական ծառայության դեմ ուղղված հատկապես կարևոր գործերով քննության նկատմամբ հսկողության բաժնում 2003թ ապրիլի 18-ին ընդունված ՀՀ քրեական օրենսգրքի 329-րդ հոդվածի 2-րդ մասով (մի խումբ անձանց կողմից նախնական համաձայնությամբ պետական սահմանն ապօրինի հատելը) հարուցվել է քրեական գործ (վարույթ), որը գտնվում է նախաքննության փուլում։

Դատախազությունից վստահեցրել են, որ ՀՀ տարածքային ամբողջականության դեմ ուղղված դեպքերի առթիվ քրեական գործ հարուցելը մերժելու մասին որոշումներ չեն կայացվել, ապա հայտնել են, որ վերոնշյալ դեպքերի առթիվ նախաձեռնվել (հարուցվել) են հետևյալ քրեական գործերը։

« 2021թ․ նոյեմբերի 16-ին 2003թ ապրիլի 18-ին ընդունված ՀՀ քրեական օրենսգրքի 104-րդ հոդվածի 2-րդ մասի 1-ին, 6-րդ, 7-րդ, 13-րդ կետերի (երկու և ավելի անձանց սպանությունը, որն իրականացվել է մի խումբ անձանց կողմից՝ շատերի կյանքին վտանգավոր եղանակով և ազգային, ռասայական կամ կրոնական ատելության կամ կրոնական մոլեռանդության շարժառիթով), 34-104-րդ հոդվածի 2-րդ մասի 1-ին, 6-րդ, 7-րդ, 13-րդ կետերի, 185-րդ հոդվածի 3-րդ մասի 1-ին կետի ( առանձնապես խոշոր չափերի գույքի վնասում), 384-րդ հոդվածի 2-րդ մասի (ագրեսիվ պատերազմ) և 390-րդ հոդվածի 1-ին մասի 1-ին և 2-րդ կետերի (Զինված ընդհարումների ժամանակ ռազմական գործողություններին անմիջականորեն չմասնակցող կամ պաշտպանության միջոցներից զրկված անձանց սպանությունը և խոշտանգումը) հատկանիշներով հարուցվել է քրեական գործ, որը գտնվում է նախաքննության փուլում։

2021թ մայիսի 13-ին 2003թ ապրիլի 18-ին ընդունված ՀՀ քրեական օրենսգրքի 329-րդ հոդվածի 2-րդ մասով (մի խումբ անձանց կողմից նախնական համաձայնությամբ պետական սահմանն ապօրինի հատելը) և 300,2-րդ (Տարածքային ամբողջականությունը խախտելուն ուղղված գործողություններ) հոդվածով նախատեսված հանցագործությունների հատկանիշներով հարուցվել է քրեական գործ, որը գտնվում է նախաքննության փուլում։

2021թ․ մայիսի 14-ին 2003թ ապրիլի 18-ին ընդունված ՀՀ քրեական օրենսգրքի 300,2-րդ հոդվածի և 329-րդ հոդվածի 2-րդ մաով(մի խումբ անձանց կողմից նախնական համաձայնությամբ պետական սահմանն ապօրինի հատելը) նախատեսված հանցագործությունների հատկանիշներով հարուցվել է քրեական գործ, որը գտնվում է նախաքննության փուլում։

2021թ մայիսի 14-ին 2003թ ապրիլի 18-ին ընդունված ՀՀ ՔՕ 300,2-րդ հոդվածի, 329-րդ հոդվածի 2-րդ մասի(մի խումբ անձանց կողմից նախնական համաձայնությամբ պետական սահմանն ապօրինի հատելը) հատկանիշներով հարուցվել է քրեական գործ, որը գտնվում է նախաքննության փուլում։

2021թ մայիսի 14-ին 2003թ ապրիլի 18-ին ընդունված ՀՀ քրեական օրենսգրքի 300,2-րդ հոդվածի 2-րդ մասի հատկանիշներով հարուցվել է քրեական գործ, որը գտնվում է նախաքննության փուլում։
2021թ մայիսի 25-ին 2003թ ապրիլի 18-ին ընդունված ՔՕ 300,2-րդ հոդվածի, 329-րդ հոդվածի 2-րդ մասի, 104-րդ հոդվածի 2-րդ մասի 1-ին, 6-րդ, 13-րդ կետերի հատկանիշներով հարուցվել է քրեական գործ, որը գտնվում է նախաքննության փուլում։

2021թ մայիսի 27-ին 2003թ ապրիլի 18-ին ընդունված ՀՀ ՔՕ 329-րդ հոդվածի 2-րդ մասի(մի խումբ անձանց կողմից նախնական համաձայնությամբ պետական սահմանն ապօրինի հատելը),131-րդ հոդվածի 2-րդ մասի 2-րդ, 3-րդ և 6-րդ կետերի հատկանիշներով, հարուցվել է քրեական գործ, որը գտնվում է նախաքննության փուլում։

2021թ հունիսի 8-ին 2003թ ապրիլի 18-ին ընդունված ՀՀ քրեական օրենսգրքի 300,2-րդ հոդվածի, 329-րդ հոդվածի 2-րդ մասի հատկանիշներով հարուցվել է քրեական գործ, որը գտնվում է նախաքննության փուլում։

2021թ հուլիսի 5-ին նույն օրենսգրքի 329-րդ հոդվածի 2-րդ մասի(մի խումբ անձանց կողմից նախնական համաձայնությամբ պետական սահմանն ապօրինի հատելը), 176-րդ հոդվածի 2-րդ մասի 1-ին և 2-րդ կետերի, 176-րդ հոդվածի 2-րդ մասի 1-ին կետի հատկանիշներով հարուցվել է քրեական գործ, որը գտնվում է նախաքննության փուլում։

2021թ հուլիսի 6-ին նույն օրենսգրքի 329-րդ հոդվածի 2-րդ մասի, 131-րդ հոդվածի 2-րդ մասի 1-ին, 2-րդ, 3-րդ, 6-րդ, 34-104-րդ հոդվածի 2-րդ մասի 1-ին, 7-րդ և 13-րդ կետերի հատկանիշներով հարուցվել է քրեական գործ, որը գտնվում է նախաքննության փուլում։

2021թ նոյեմբերի 15-ին նույն օրենսգրքի 300,2-րդ հոդվածի 2-րդ մասի հատկանիշներով հարուցվել է քրեական գործ, որը գտնվում է նախաքննության փուլում։

2021թ նոյեմբերի 22-ին նույն օրենսգրքի 300,2 հոդվածի 2-րդ մասի հատկանիշներով հարուցվել է երկու քրեական գործ, որոնք գտնվում են նախաքննության փուլում։

2022թ սեպտեմբերի 13-ին ՀՀ քրեական օրենսգրքի 140-րդ հոդվածի 1-ին մասի 2-րդ կետով և 149-րդ հոդվածի 1-ին մասով նախաձեռնվել է քրեական վարույթ, որը գտնվում է նախաքննության փուլում։

2022թ դեկտեմբերի 22-ին ՀՀ քրեական օրենսգրքի 149-րդ հոդվածի 2-րդ մասի 1-ին կետով նախաձեռնվել է քրեական վարույթ, որը գտնվում է նախաքննության փուլում»,- հայտնել են դատախազությունից՝ նշելով, որ ՀՀ տարածքային ամբողջականության դեմ ուղղված գործողություններ կատարելու դեպքերով՝ որևէ անձի նկատմամբ քրեական հետապնդում հարուցված չէ։

«Շարժումը բաղկացած է քեզնից․ Եթե դու մարել ես, ուրեմն շարժումն էլ մարելու է»․ Բագրատ ՍրբազանԳաղտնի նամակներ են հրապարակվել Բելառուսի ու Ադրբեջանի միջև ռազմական համագործակցությունից․ «Հետք»Քննարկվել է Լայպցիգի գրքի ցուցահանդես-տոնավաճառին Հայաստանի հնարավոր մասնակցության հարցըՊետք է բանակը վերականգնվի, անվտանգային խնդիրները պիտի լուծվի, տնտեսությունը զարգանա. Սրբազան (տեսանյութ)Հայաստանի՝ Պաղեստինի Պետության ճանաչումը համարձակ որոշում է. ԱՊԼ գլխավոր քարտուղարՄեզ թերահավատորեն են նայել, ծաղրել, այլ աչքով են դիտել, բայց մենք կարող ենք, մենք ներուժ ունենք. Սրբազան (տեսանյութ)Պատասխատավություն ոչ միայն սեփական կյանքի, այլ միջավայրի, շրջապատի, հայրենիքի, պետության և ամենակարևորը, ընկերոջ, կողքինի համար. ՍրբազանԱմիսներով պայքարում ենք, բազում փորձությունների միջով ենք անցել, այս ընթացքում մեծ փորձ ենք կուտակել. Շարժման մասնակից (տեսանյութ)Փոփոխությունը շատ դժվար է, բայց անհրաժեշտ. ՍրբազանՀՀ վարչապետի աշխատակազմն Ադրբեջանի նախագահի աշխատակազմին առաջարկել է ստեղծել հրադադարի ռեժիմի խախտման դեպքերի hետաքննության երկկողմ մեխանիզմ. ՀՀ կառավարությունՄարտահրավեր նետել լճացած գաղափարների հարմարավետությանը՝ ակտիվ մասնակցելով նոր իրականության ստեղծմանըՍրբազանը հենց ցանկանա նորից հրապարակում տեղ չի լինելու. Տարոն ՏոնոյանԴանիել Իոաննիսյանը գիտի՝ երբ կանցկացվի «Սահմանադրական հանրաքվեն»«ԱՄՆ Կենտրոնական հետախուզական վարչությունը գաղտնի գործողություններ է իրականացնում այլ երկրներում»․ Ռուսաստանի արտաքին հետախուզությունՎերաքննիչ դատարանը ոչ իրավաչափ համարեց Ստեփանակերտի քաղաքապետի կալանավորումըՀաջորդիվ Պաղեստինի ժողովրդի վերադարձի մասին կհայտարարեն՝ փակելով Արցախի ժողովրդի հարցըՍրբազան շարժումն ունի պոտենցիալ՝ կանխելու ազգի ինքնաոչնչացումը․ Արմեն ԱշոտյանՀայտնի է՝ Ռուսաստանում երբ կսկսվեն քաղցկեղի դեմ պատվաստանյութի կլինիկական փորձարկումներըԹուրքիայում ժայռերի արանքում 22 ուղևորով օդապարիկ է մնացելՎալերիկ Մովսիսյանը` Եվրոպայի Մ19 առաջնության կրկնակի չեմպիոնԱկտիվիստները կարմիր են ներկել Քեմբրիջի շենքը՝ ի աջակցություն ՊաղեստինիԾանրամարտիկ Գրետա Վարդանյանը Փարիզի 2024-ի պարալիմպիկ խաղերի ուղեգիր է նվաճելՔաղաքացին բարձրացել է «Թումո»-ի այգու ժայռի վրա և ցանկացել նետվել. օգնության են հասել փրկարարներըՄոսկվան համարժեք պատասխան կտա ԱՄՆ-ում ռուսական վիզային կենտրոնների փակմանը. ԶախարովաԿանխվել է քաղաքացու ինքնաuպանության փորձը Վոլոդյա Մնացականյանը դարձել է BRICS բռնցքամարտի խաղերի հաղթող Աստանայում 26-հարկանի շենք է այրվում (տեսանյութեր) Արդյո՞ք Հայաստանը ճիշտ է վարվել ճանաչելով Պաղեստինի անկախությունը Երբ և որտեղ տեղի կունենա Լալա Մնացականյանի հոգեհանգիստը Փորձագետ Բեզպալկոն անվանել է ՀԱՊԿ-ից դուրս գալու հետևանքները Հայաստանի համարՓաշինյանի գրոհը Արցախի ու արցախցիների դեմ Արևմտամետները գեղեցիկ կարգախոսներով պատրաստվում են նախընտրական արշավի Հայաստանը ճանաչել է ՊաղեստինըՔՊ համաժողովում անակնկալներ են սպասվում Հայտնի է դարձել, թե ինչու է Ֆրանսիան ռազմական պայմանագիր կնքել Հայաստանի հետՀրդեհ է բռնկվել աղբատար ավտոմեքենայում Տեղի է ունեցել «Համահայկական ճակատ» կուսակցության հիմնադիր համագումարը Հրաձգություն ԱՄՆ-ի սուպերմարկետներից մեկում. 3 մարդ է զոհվել, տուժածների թվում ոստիկաններ կան Կուզենա՞ք հունիսի վերջին կրկին գարուն գա. Գագիկ ՍուրենյանՌուսաստանում հայտնել են՝ երբ կսկսվի քաղցկեղի դեմ պատվաստանյութի կլինիկական հետազոտությունը ՔԿ-ն հերքում է Փորձագետը բացատրել է գագաթնաժողովում Ուկրաինայի վերաբերյալ կոմյունիկե ստորագրելուց Հայաստանի հրաժարումըԱտոմ Էգոյանի «Յոթ քողը» 21-րդ «Ոսկե ծիրան»-ի բացման ֆիլմն է Վաշինգտոնը Երևանին նոր հրահանգներ է տվելՊՆ-ն հաղորդում է Հայաստանի հավաքականը հաղթեց Գվատեմալայի հետ խաղում Գերմանիայում լրտեսության կասկածանքով ձերբակալվածը՝ Երևանում հայտնի Մոնումենտցի Վարդգեսիկն է Բացվել է Շուշիի թեմական հոգևոր դպրոցը․ պատմության այս օրը (22 հունիս)Ուր էր անհետացել Սուրեն ՊետրոսյանըՀայաստանի հավաքականների կազմերը ըմբշամարտի Մ17 ԵԱ-ում
Ամենադիտված