Եվրոպան պետք է պատրաստ լինի զսպելու Ռուսաստանին. Մակրոն
ՄԻՋԱԶԳԱՅԻՆ
Եվրոպան պետք է պատրաստ լինի զսպելու Ռուսաստանին, եթե Ռուսաստանը «չափն անցնի» Ուկրաինայի հակամարտությունում:
Հայտարարել է Ֆրանսիայի նախագահ Էմանուել Մակրոնը։
«Եթե ինչ-որ պահի ռուսները շատ հեռուն գնան, մենք՝ բոլոր եվրոպացիներս, պետք է պատրաստ լինենք գործել նրանց զսպելու համար», - ասել է Ֆրանսիայի նախագահը՝ պատասխանելով սոցցանցերի օգտատերերի հարցերին:
Մակրոնը հույս է հայտնել, որ Ֆրանսիան ստիպված չի լինի ռազմական գործողություններ սկսել։ Նրա խոսքով՝ Ֆրանսիան ոչ թե պատերազմի, այլ խաղաղության պետություն է, բայց եթե Եվրոպան խաղաղություն է ուզում, ապա պետք է պաշտպանել այն։
«Դրա համար մենք պետք է զինվենք, և դրա համար պետք է զսպող և համոզիչ գործոն լինենք մեր հակառակորդների համար՝ ասելով նրանց՝ եթե դուք չափն անցնում եք ու սպառնում իմ շահերին ու անվտանգությանը, ապա ես չեմ բացառում միջամտությունը»,- նշել է Մակրոնը։
