1994թ. ԼՂ-ում զինադադարի մասին կնքված համաձայնագիրը Երևանում ստորագրել է Սերժ Սարգսյանը. պատմության այս օրը (10 մայիս)

ՈՐՈՇ ՏՈՆԵՐ- Գերմանիա՝ Գրքի օր, Թայլանդ՝ Հերկողի օր, Ղրղզստան՝ Բանկային աշխատողի օր, Չինաստան՝ Ծովի աստված Մացուի օր:

ՀԱՅԱՍՏԱՆՈՒՄ

1851–ծնվել է ազգային ազատագրական շարժման գործիչ Խենթը (Սամսոն Տեր-Պողոսյան), որը հանդիսանում է Րաֆֆու համանուն վեպի հերոս Վարդանի նախատիպը:

1870–ծնվել է հայկական ազատագրական շարժման մասնակից Արմենակ Եկարյանը:

1924–ծնվել բանաստեղծ Զահրատը (Զարեհ Յալտըզճեան):

1927–ծնվել է հայազգի խորհրդային կոմպոզիտոր Ալեքսեյ Հեքիմյանը:

1931–վախճանվել է ամերիկացի հայազգի նկարիչ Արման Մանուկյանը:

1994-Երևանում Լեռնային Ղարաբաղում զինադադարի մասին կնքված համաձայնագիրը ստորագրել է Հայաստանի պաշտպանության նախարար Սերժ Սարգսյանը:

2004-Միացյալ Նահանգների ղեկավարությունը հրապարակել է Հայաստանում ԱՄՆ-ի արտակարգ եւ լիազոր դեսպանի պաշտոնում Ջոն Օրդուեյին փոխարինելիք բարձրաստիճան դիվանագետի անունը: Դա եղել է երեսնամյա դիվանագիտական ծառայության փորձ ունեցող Ջոն Էվանսը:

2005-Ազգային ժողովը Սահմանադրական փոփոխությունների երեք փաթեթներից ընտրել է կոալիցիայի առաջարկածը՝ մերժելով Միացյալ աշխատանքային կուսակցության (ՄԱԿ) խմբակցության և ընդդիմադիր պատգամավոր Արշակ Սադոյանի ներկայացրած նախագծերը:

2005-Թբիլիսիում Վրաստանի քաղաքացի Վլադիմիր Հարությունյանը նռնակ է նետել տրիբունայի վրա, որտեղ եղել են Միխաիլ Սահակաշվիլին և Ջորջ Բուշը, սակայն նռնակը չի պայթել:

2008-Հայազգի օպերային մեներգչուհի, սոպրանո Կարինե Բաբաջանյանը նկարահանվել է լեգենդար գործակալ Ջեյմս Բոնդի սխրանքների մասին պատմող հերթական 22-րդ ֆիլմում:

2018-Շիրակի պետական համալսարանի ռեկտոր Սահակ Մինասյանի հրաժարականի պահանջով բողոքի ակցիաներ են սկսվել Գյումրիում:

2019-Մալայանի անվան ակնաբուժական կենտրոնում ներարկման հետևանքով 8 քաղաքացու տեսողություն խիստ վատթարացել է: Ըստ Հիվանդությունների վերահսկման, կանխարգելման ազգային կենտրոնի նախնական գնահատականի խախտվել են ներարկումների անվտանգության կանոնները:

2021-Ազգային ժողովը երկրորդ անգամ չի ընտրել Փաշինյանին վարչապետի պաշտոնում: Փաստացի Ազգային ժողովն իրավունքի ուժով ցրվել է:

2022-«Դիմադրության» շարժումը 4 ուղղություններով երթ է իրականացրել Երևանում պահանջելով վարչապետի հրաժարականը:

ԱՇԽԱՐՀՈՒՄ

1497-սկսվել է Ամերիգո Վեսպուչչի երկրորդ ճանապարհորդությունը Նոր աշխարհ՝ Ամերիկա:

1503-իսպանացի նավագնաց Քրիտոֆոր Կոլոմբոսը հայտնաբերել է Կայմանյան կղզիները:

153-նավագնաց Ժակ Կատիեն Նյուֆաուդլենդը հայտարարել է ֆրանսիայի մաս:

1566-վախճանվել է գերմանացի գիտնական և բժիշկ Լեոնարդ Ֆուքսը, որը համարվում է «բուսաբանության հայրեր»-ից մեկը:

1746-ծնվել է ֆրանսիացի գծագրող Գասպար Մոնժը, որը հանդիսանում է գծագրական երկրաչափության հիմնադիրը:

1796-տեղի է ունեցել Լոդիի ճակատամարտը ավստրիական բանակի և Նապոլեոնի բանակի միջև, որը ավարտվել է վերջինիս հաղթանակով:

1811-Անգլիայում շրջանառության մեջ են դրվել թղթադրամները:

1844-Կանադայի մայրաքաղաքը Կինգստոնից տեղափոխվել է Մոնրեալ:

1850-ծնվել է անգլիացի լորդ, յախտսմեն, Liptonթեյի ընկերության հիմնադիր սէր Թոմաս Լիպտոնը:

1869-հանդիսավոր պայմաններում գործարկվել է առաջին տրանսկոնտինենտալ երկաթուղին ԱՄՆ-ում:

1871-կնքվել է ֆրանկֆուրտյան խաղաղության պայմանագիրը, որը վերջ է դրել ֆրանս-պրուսական պատերազմներին:

1881-Ռումինիան հայտարարվել է թագավորություն:

1932-լենինգրադյան «Կոմինտերն» գործարանում արտադրվել են առաջին խորհրդային 20 հեռուստացույցերը: 1933-Բեռլինում նացիոնալ-սոցիալիստ ուսանողները հրապարակայնորեն այրել են գրքեր, որը սկիզբ է դրել գերմանական ոգուն չհամապատասխանող գրքերի այրման մասսայական գործողություններին:

1940-Երկրորդ համաշխարհային պատերազմի ժամանակ Արևմտյան ճակատում գերմանական զորքերը անցել են հարձակման միացյալ զորքերի վրա (անգլիական, ֆրանսիական, հոլանդական և բելգիական), հարձակումը եղել է չափազանց հաջողակ այն աստիճանի, որ դարձել է հաջողված բլիցկրիգի օրինակ:

1950-Հաիթիում տեղի է ունեցել հեղաշրջում, որի արդյունքում տապալվել է նախագահ Դյումարս Էստիմի կառավարությունը, իշխանությունը անցել է ռազմական խունտայի ձեռքը:

1956-ծնվել է ռուս լրագրող և հեռուստահաղորդավար Վլադիմիր Լիստևը («Հայացք», «Հրաշքների դաշտ», «Թեմա»հաղորդումներ):

1978-Օդեսայում սկսվել են «Հանդիպման վայրը չի կարելի փոխել» բազմասերիանոց ֆիլմի նկարահանումները:

2008-ակտիվացել է Եվրոպայի ամենամեծ Էտնա հրաբուխը, որի վերջին նման ակտիվացում նկատվել էր 2001 թվականին:

2022-վախճանվել է Ուկրաինայի առաջին նախագահ, պետական և քաղաքական գործիչ Լեոնիդ Կրավչուկը:

Կ. Խաչիկյան