Եկել ենք միանանք Սրբազան Հորը․ Դադիվանքի նախկին վանահայրը միացել է քայլերթին
ՔԱՂԱՔԱԿԱՆՈՒԹՅՈՒՆ
Պարզ չէ՞, որ եկել ենք միանանք Սրբազան հորը։
Այս մասին լրագրողների հետ զրույցում ասաց Բագրատ Սրբազանի առաջնորդությամբ դեպի Երևան շարժվող քայլերթին միացած Դադիվանքի նախկին վանահայր Տեր Հովհաննես քահանա Հովհաննիսյանը։
Հարցին՝ ո՞րն է լինելու շարժման վերջնական նպատակը, Տեր Հովհաննեսն ասաց․
«Արդարությունը և հաղթանակը։ Մինչև հիմա ես արդարություն չեմ տեսել, արդարություն և հաղթանակ նաև Արցախի համար»։
Դիտարկմանը՝ արդարություն ասելով նկատի ունի ներկա իշխանության հեռացո՞ւմը, Տեր Հովհաննեսն ասաց․
«Ես իշխանությունից չեմ խոսում, ես խոսում եմ արդարությունից, որ մեր ազգը ապրի արդար։ Ես չէի ասի, թե առաջին անգամ է եկեղեցին առաջնորդում ժողովրդին, եկեղեցին միշտ եղել է ժողովրդի հետ ու եկեղեցականները միշտ եղել են իրենց հոգևոր հոտի հետ»։
Տեր Հովհաննեսն առաջարկեց չխոսել քաղաքական հարցերից։
«Մեր նպատակը արդարության հաստատումն է, ժողովուրդը պետք է որոշի, թե ինչպես դա կլինի»,- նշեց նա։
Լրագրողի հարցին՝ իր կարծիքով ի՞նչ ճակատագրի կարժանանա Դադիվանքը խաղաղապահների հեռանալուց հետո, Տեր Հովհաննեսն ասաց․
«Դուք թուրք ազերիներին չեք ճանաչում, իսկ ես գիտեմ նրանց ձեռագիրը, նրանք մեզ խաղաղություն պարգևող չեն, իրենք կքանդեն ամեն ինչ, իսկ ռուս խաղաղապահները չլքեցին Դադիվանքը, այդ մենք ասացինք, որ Արցախը Ադրբեջան է ու իրենք գործ չունեին այնտեղ անելու։
Ես չեմ ընդունում այս իշխանությանը, չեմ ընդունում այն լեզուն, որ ասում է՝ Արցախը Ադրբեջան է, այդ լեզուն պիտի կտրես ու պիտի կտրես այն ձեռքը, որ դա ստորագրել է»։
Դիտարկմանը՝ կա՞ր արդյոք հանրավորություն, որ Արցախի նախկին նախագահները ու բարձրաստիճան պաշտոնյաները չհատնվեին բանտում, Տեր Հովհաննեսն ասաց․
«Հնարավորություն կար նաև, որ պատերազմեինք ու հաղթեինք, բայց չարեցինք»։
