Քաղաքագետը բացահայտել է, թե հանուն Արևմուտքի հետ մերձեցման Ռուսաստանի մերժումը ինչով է սպառնում Հայաստանին
ՔԱՂԱՔԱԿԱՆՈՒԹՅՈՒՆ
Արևմտյան երկրների հետ Հայաստանի համագործակցության հետագա խորացումը և Մոսկվայի հետ դաշինքից հրաժարվելը չի ունենա լուրջ քաղաքական հետևանքներ Ռուսաստանի համար, NEWS.ru-ի հետ զրույցում ասել է քաղաքագետ և ռազմական փորձագետ Միխայիլ Օնուֆրիենկոն, իրականում իրադարձությունների նման զարգացումից Երևանը շատ ավելի կկորցնի։
Ավելի վաղ ադրբեջանական լրատվամիջոցներում փաստաթուղթ էր հայտնվել ռազմական ոլորտում Հայաստանի և ԱՄՆ-ի ու ԵՄ-ի համագործակցության պլանների մասին, որը կարող էր ստորագրվել ապրիլի 5-ին Բրյուսելում։
Այդ տեքստում ասվում է, որ ԵՄ-ն խոստացել է նախաձեռնություններ ներկայացնել՝ նվազեցնելու Հայաստանի ռազմատեխնիկական ընդհանուր կախվածությունը Ռուսաստանի հետ դաշինքից։
«Նախ, Հայաստանը անգամ սահմանակից չէ Ռուսաստանին։ Երկրորդ, դա չափազանց փոքր պետություն է, որն ունի հսկայական թվով խնդիրներ, այդ թվում՝ Ադրբեջանի հետ, որոնք տեսանելի ապագայում չեն լուծվի։ Հայերը խնդիրներ կունենան: Ի վերջո, Երևանն ամբողջությամբ կախված է Մոսկվայից՝ էներգակիրների մատակարարման հարցում։ Եթե Հայաստանը երես դարձնի Ռուսաստանից, մատակարարումները կարող են դադարեցվել: Դա վկայում է այն մասին, որ ոչ ԵՄ-ն, ոչ էլ ՆԱՏՕ-ի երկրները շահագրգռված չեն Հայաստանի շահերով»,- ասել է Օնուֆրիենկոն։
Ավելի վաղ Փաշինյանը հայտարարել էր Ադրբեջանի հետ խաղաղության պայմանագիր կնքելու Հայաստանի պատրաստակամության մասին։ Նա ընդգծել էր, որ համաձայնագիրը պետք է հիմնված լինի երեք սկզբունքների վրա, որոնք նախապես համաձայնեցվել են Երևանի ու Բաքվի միջև: Մասնավորապես, վարչապետը հայտարարել էր տարածքային ամբողջականության փոխադարձ ճանաչման մասին՝ հիմնվելով 1991 թվականի Ալմա-Աթայի հռչակագրի դրույթների վրա, ինչպես և կողմերի միջև սահմանազատման մասին։
Նյութը հրապարակման պատրաստեց Կամո Խաչիկյանը
