Գործարարներին «քերելու» մեխանիզմ՝ հանուն Աննա Հակոբյանի. մարդկանց պարտադրում են մասնակցել

Արագածոտնի մարզի Նոր Եդեսիա տարածքում գտնվող «Արմաս» գինու գործարանում երեկ տեղի է ունեցել Նիկոլ Փաշինյանի կնոջ՝ Աննա Հակոբյանի, կազմակերպած ընթրիքին, որի մուտքն արժի 1 միլիոն դրամ։ Վարչապետի կինը օրեր առաջ էր հայտարարել նման ընթրիք կազմակերպելու մտադրության մասին և հայտնել՝ իբր այդ գումարներն օգտագործվելու են բարեգործական նպատակներով։ Սա, նկատենք, առաջին նման ընթրիքը չէ, Աննա Հակոբյանը նման թանկարժեք երեկույթներ կազմակերպել է բազմիցս։

Երեկ կայացած ընթիրքը, ըստ մեր աղբյուրների, բավական սակավամարդ էր և առանձնապես հավաքվածների սրտով չի եղել։ Նախկինում՝ 2018, 2020 , անգամ 2021 թվականներին, բազմաթիվ գործարարներ իրար հրմշտելով ձգտում էին մասնակցել այդ ընթրիքին, նախապես գնում էին համապատասխան տոմսերը։ Այսօր արդեն փորձում են տարբեր պատրվակներով, կամ էլ նույնիսկ գումարը փոխանցելու, բայց անձամբ չմասնակցելու պայմանով հրաժարվել Աննա Հակոբյանի հետ ընթրելու «հնարավորությունից»։

ՔՊ մեր աղբյուրի փոխանցմամբ՝ ընթրիքը պատշաճ մակարդակով կազմակերպելու համար իշխանությունը գործի է դրել իր ռեպրեսիվ մեքենան։ Գործարարներից պահանջել են ոչ միայն մասնակցել, վճարել 1 միլիոն դրամը, այլև աջակվցել կազմակերպվելիք հանգանակությանը։ Գործող վարչախումբը հասկանում է, որ գործարարներից՝ Աննա Հակոբյանի տարբեր հիմնադրամների համար փող «քերելու» շանս, հնարավոր է այլևս չլինի, և հիմա պարտադրում են ցուցադրել իրենց լոյալությունը Փաշինյանին ու նրա տիկնոջը՝ մասնակցելով նման անհեթեթ ընթրիքների, իսկ գումարներն, ըստ մեր աղբյուրի, ծախսվում են ոչ թե բարեգործական նպատակներով, այլ պարզապես փոխանցվում շվեյցարական հաշիվներին։