Թուրքիան և Ադրբեջանը սկսել են վերահսկել Հայաստանի քաղաքականությունը. Կարեն Իգիթյան (տեսանյութ)
ՎԻԴԵՈԴեռ մի քանի ամիս առաջ, էլ չասած տարիներ առաջ հայ ժողովուրդը հասկանում էր, որ Թուրքիան վտանգավոր է, թշնամի պետություն է, իսկ Ռուսաստանը դաշնակից:
Այս մասին Tert.am-ի հետ զրույցում հայտնեց կովկասագետ, «Հայկական Նախագծի» համահիմնադիր Կարեն Իգիթյանը:
«Վերջին ժամանակաշրջանում քարոզչությունը բերեց նրան, որ արդեն բնակչության զգալի մասը համարում է, որ Ռուսաստանն է վտանգ և սպառնալիք Հայաստանի համար, իսկ Թուրքիայի հետ փորձում են լավ հարաբերություններ հաստատել: Սա կոնստրուկտ է, բնական չի և բնական չլինելով վտանգավոր է նրանով, որ չի նկարագրում իրական վիճակը»,- ընդգծեց Իգիթյանը:
Ըստ նրա՝ Փաշինյանի ժողովրդին պատերազմով սպառնալու մեջ կարևոր է հասկանալ ողջ պրոցեսը, Հայաստանը հաղթող և իրավիճակը թելադրող կողմից դարձել է մի երկիր, որին իր հարևանը թելադրում է՝ ինչ պետք է հանձնի և ինչպես ապագայում ապրի: Թշնամի պետությունը սկսել է վերահսկել Հայաստանի քաղաքականությունը:
