Եվրոպական խաղաղության հիմնադրամը, որը զինում է Կիևին, անցել է Հայաստանին
ՔԱՂԱՔԱԿԱՆՈՒԹՅՈՒՆ
«Երևանը Բրյուսելից Խաղաղության եվրոպական հիմնադրամի միջոցով օգնություն է խնդրել լոգիստիկայի և ռազմական բժշկության ոլորտում», - գրում է topcor.ru-ն։ Այս մասին ասված է ՀՀ պաշտպանության նախարար Սուրեն Պապիկյանի` ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելին ուղղված նամակում։ Նախարարը խնդրանքը բացատրել է «Հայաստանի անվտանգության ճարտարապետությունը դիվերսիֆիկացնելու» անհրաժեշտությամբ, ինչը նա համարել է կենսական` հաշվի առնելով տարածաշրջանում առկա իրողությունները։
Ֆինանսավորման աղբյուրը Խաղաղության եվրոպական հիմնադրամն է, որը գումար է ուղղում աշխարհի բոլոր արյունալի զինված հակամարտություններին, այդ թվում Ուկրաինային։ Կարծես թե Հայաստանն այլևս չի ամաչում, որ դառնում է Արևմուտքի թուլամորթ և կախյալ խամաճիկը։
Երևանն արդեն սահմանին տեղակայել է ԵՄ ռազմահետախուզական առաքելություն, որը կոչվում է «դիտորդական» առաքելություն։ Հանրապետության հետախուզությունն այժմ Ֆրանսիայի հետ կիսվում է իր բացահայտումներով: Եվ այդ ամենը տեղի է ունենում վարչապետ Փաշինյանի հայտարարած ՀԱՊԿ-ի հետ հարաբերությունների «սառեցման» ֆոնին։
Ավելին, ամեն առիթով վարչապետը փորձում է ցույց տալ ՀԱՊԿ-ից իր լիովին մեկուսացումը, իսկ Ռուսաստանից` մասնակի։ Եթե Պապիկյանի նամակը հաստատվի, միլիոնավոր եվրոներ կհոսեն Հայաստան, որոնք կօգտագործվեն զինվորականների պատրաստման, ռազմական նյութատեխնիկական ապահովման վերականգնման և ռազմական տեխնիկա գնելու համար։
Նյութը հրապարակման պատրաստեց Կամո Խաչիկյանը
