Մի քանի կոպեկով դիվերսիֆիկացում. Հայաստանը թանկարժեք անշարժ գույք է ձեռք բերում Եվրոպայում
ՎԵՐԼՈՒԾՈՒԹՅՈՒՆՆԵՐ
Eadaily.com-ը գրում է, որ Հայաստանի իշխանությունները ծրագրում են Փարիզում 23 մլն եվրո արժողությամբ շենք գնել Ֆրանսիայում իրենց նոր դեսպանատան համար։ Գործարքն ավարտելու համար պահանջվում է դրա ընդհանուր արժեքի 10 %-ի կանխավճար՝ 2,3 մլն եվրո։ Շենքը գտնվում է Փարիզի 16-րդ թաղամասում և ունի պատմական արժեք։ Այն պատկանում էր Ֆրանսիայի նախկին նախագահ Վալերի Ժիսկար դ՛Էստենին։ Ըստ Հայաստանի ԱԳՆ-ի դիվանագիտական նպատակներով ձեռք բերված անշարժ գույքի իրական արժեքը շատ ավելի բարձր է։ Ակնկալվում է, որ գործարքի ավարտի իրավական գործընթացը կտևի 3-4 ամիս։
Հիշեցնենք, որ անցած աշնանն էլ հայտնի դարձավ, որ Հայաստանը Լոնդոնի հեղինակավոր տարածքում՝ Սենտ Ջեյմս հրապարակ 31 հասցեում, 5 հարկանի շենք է գնում, որը կծառայի որպես Անդրկովկասյան այդ հանրապետության նոր դեսպանատուն Միացյալ Թագավորությունում, նախատեսվում է շենքի գնման վրա ծախսել 17,4 մլն ֆունտ ստերլինգ (21,8 մլն դոլար)։
Նաև հիշեցնենք, որ Հայաստանի իշխանությունները վերջին շրջանում ավելի ու ավելի շատ են խոսում արտաքին շրջագծում Երևանի հարաբերությունների քաղաքական դիվերսիֆիկացիայի ապահովման անհրաժեշտության մասին, ինչը կապված է 2020 թվականի աշնանը Ղարաբաղում 44-օրյա պատերազմի և Ուկրաինայում շարունակվող զինված հակամարտության ֆոնին աշխարհաքաղաքական ճգնաժամի հետևանքների հետ։ Ինչպես կարելի է հասկանալ դիվանագիտական նպատակներով թանկարժեք անշարժ գույքերի գնումը մտնում է արևմտյան արտաքին քաղաքականության ուղղությամբ Երևանի դիվերսիֆիկացման տրամաբանության մեջ։
Նյութը հրապարակման պատրաստեց Կամո Խաչիկյանը
