Ռուսաստանում խոսել են Հայաստանի դեմ Ադրբեջանի «վրեժ լուծելու գործողության» մասին
ՎԵՐԼՈՒԾՈՒԹՅՈՒՆՆԵՐ
Lenta.ru-ն գրում է, որ Ադրբեջանի ռազմական գործողությունը սահմանին Հայաստանի վրա ճնշում գործադրելու փորձ է, ասել է Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը Lenta.ru-ի հետ զրույցում արձագանքելով երկրների միջև տեղի ունեցած վերջին սրացմանը։
Հիշեցնենք, որ ավելի վաղ Ադրբեջանը հարձակվել էր Սյունիքի մարզի Ներքին հանդ բնակավայրի տարածքում գտնվող հայկական զինված ուժերի դիրքերի վրա։ Ռազմական գործողությունն անվանվել է «վրեժ լուծելու գործողություն»։ Հարձակմանը նախորդել է Հայաստանից ադրբեջանական զինուժի գնդակոծությունը։
Պատգամավորի խոսքով առճակատման նոր դրվագը հերթական անգամ մեծացնում է լարվածությունը ավանդաբար թշնամական համարվող երկրների հարաբերություններում։ «Ինձ համար դժվար է դատել, թե ով է ճիշտ, ով է սխալ այն տեսանկյունից, թե ով է առաջինը սկսել, ինչպես ասում են բակում ծեծկռտուքից առաջ: Բայց ով էլ առաջինը սկսած լինի, ակնհայտ է, որ Ադրբեջանը դա արել է ուժի և վրեժի դրսևորման պատճառով և այսօր այդ տեղեկությունը տարածում է որպես հերթական հաղթանակ Հայաստանի հետ դիմակայությունում։ Իհարկե, այդ հռետորաբանությունը ակնհայտորեն պայմանավորվածություն ձեռք բերելու նպատակ չունի, ամենայն հավանականությամբ դա ճնշում գործադրելու փորձ է»,- կիսվել է Զատուլինը։
Ադրբեջանը շահագրգռված է, որ Հայաստանը ինչքան հնարավոր է զիջի ցանկացած համաձայնագիր ստորագրելիս, կարծում է խորհրդարանականը։ Նա հավելել է, որ Բաքուն դադար էր վերցրել նախագահական ընտրություններ անցկացնելու համար, որի ժամանակ Ադրբեջանի առաջնորդ Իլհամ Ալիևը կրակի վրա յուղ էր ավելացրել քվեարկելով Ստեփանակերտում, որը ադրբեջանցիները անվանում են Խանքենդի և որտեղ հայ բնակչություն չկա։ «Ես Ադրբեջանի ընտրությունների դեմ ոչինչ չունեմ, դա իրենց ներքին խնդիրն է, բայց այս ընտրությունները շատ էին շաղաշված հաղթողի սինդրոմով, ինչը հաստատվեց Ալիևի Ստեփանակերտում քվեարկությամբ։ Կարծում եմ, որ դա արտացոլումն է այն բանի, որ, ըստ ամենայնի, այս պահին խաղաղության պայմանագրի ստորագրման, տարածքային ամբողջականության ճանաչման և այլնի մթնոլորտ և կոնկրետ պայմաններ չկան»,- ասել է նա Lenta.ru-ին։
«Խաղաղության կնքման շուրջ հակասությունները շարունակվում են, և տրամաբանական հարցը, որը ծագում է ոչ միայն Հայաստանում, այլ նաև ամբողջ աշխարհում, այն է, թե իրականում Փաշինյանի կառավարությունը, որը Ղարաբաղը ճանաչել է Ադրբեջանի մաս և հրաժարվել իր հայրենակիցներին աջակցությունից, կուլ է տվել զանգվածային փախուստները Ղարաբաղից և, բացի այդ, սրել հարաբերությունները Ռուսաստանի հետ, ի՞նչ է ձեռք բերել, եթե չկա նոր հրաշալի աշխարհ, բայց կան երեկվա և այսօրվա նման բախումներ: Ըստ ամենայնի, մենք շատ հեռու ենք Անդրկովկասի իրական աշխարհից»,- ասել է Պետդումայի պատգամավոր Կոնստանտին Զատուլինը։
Միակողմանի հաղթանակները, ինչպես Ադրբեջանի և Թուրքիայի կողմից Ղարաբաղի շուրջ ձեռք բերված հաղթանակները, չեն հանգեցնում անհապաղ խաղաղության, այլ նոր հակամարտությունների և առճակատման դրվագների սերմեր են ցրում, եզրափակել է պատգամավորը։
Նյութը հրապարակման պատրաստեց Կամո Խաչիկյանը
