ԱՄՆ մշտական ներկայացուցիչն ասել է, որ ՆԱՏՕ-ի նոր գլխավոր քարտուղարի ընտրությունը կարող է ավարտվել առաջին եռամսյակում
ՄԻՋԱԶԳԱՅԻՆՀյուսիսատլանտյան դաշինքի (ՆԱՏՕ) նոր գլխավոր քարտուղարի ընտրությունը, ամենայն հավանականությամբ, կավարտվի այս տարվա առաջին եռամսյակում։ Այս մասին հայտարարել է ՆԱՏՕ-ում ԱՄՆ մշտական ներկայացուցիչ Ջուլիանա Սմիթը։
«Ինձ թվում է, որ դաշնակիցները լիովին հավատարիմ են ընտրության գործընթացն ավարտելուն, հավանաբար, այս օրացուցային տարվա առաջին եռամսյակում: Ինչքան հնարավոր է շատ: Մենք բուռն կերպով ցանկանում ենք ավարտին հասցնել այս գործընթացը»,- ասել է ամերիկացի դիվանագետը՝ լրագրողների համար առցանց ճեպազրույցում մեկնաբանելով ՆԱՏՕ-ի նոր գլխավոր քարտուղարի նշանակումը։
Նա հրաժարվել է ենթադրություններ անել, թե ով կարող է փոխարինել Յենս Ստոլտենբերգին այս պաշտոնում։ Միաժամանակ Սմիթը հաստատել է, որ Հյուսիսատլանտյան դաշինքը քննարկում է, մասնավորապես, Նիդեռլանդների վարչապետի պաշտոնակատար Մարկ Ռյուտեի թեկնածությունը, ով ցանկություն է հայտնել փոխարինել Ստոլտենբերգին։
Սթոլթենբերգն ավելի վաղ հաստատել էր, որ ՆԱՏՕ-ի գլխավոր քարտուղարի պաշտոնում կմնա մինչև 2024 թվականի հոկտեմբերի 1-ը։