Ինդոնեզիայում ֆուտբոլիստը մահացել է խաղի ժամանակ կայծակի հարվածից (տեսանյութ)
ՄԻՋԱԶԳԱՅԻՆԻնդոնեզիայի Սիլիվանգի մարզադաշտում ընկերական խաղի ժամանակ կայծակի հարվածից ֆուտբոլիստ է մահացել, հայտնում է Kompas պորտալը։
Մարզիկի համար անմիջապես շտապ օգնություն են կանչել, սակայն նրան փրկել չի հաջողվել. նա մահացել է հիվանդանոցում՝ գիտակցության չգալով։ Կայծակի հարվածից ֆուտբոլիստի ոտքերն այրվել են, իսկ մաշկը սկզբում կարմրել է, ապա՝ մասամբ ածխացել։
Խաղացողներից մեկի պատմելով՝ մարզադաշտ մտնելիս շոգ եղանակը տեղի է տվել ամպամածության, ապա մի քանի անգամ լսվել են ամպրոպի ձայներ, իսկ հետո կայծակը հարվածել է մարզիկին:
Տեսանյութը կարող եք դիտել Tert.am-ի թելեգրամյան ալիքում: