Հայաստանը վերջնականապես հանձնվեց. Փաշինյանը նույնիսկ քաղաքները վերանվանեց թուրքերեն
ՎԵՐԼՈՒԾՈՒԹՅՈՒՆՆԵՐ
Dzen.ru-ն գրում է, որ Փաշինյանն, իհարկե, հիանալի «թաքնվել» է հիանալի «տնակում», այսինքն նրա (ավելի ճիշտ ԱՄՆ-ի) նման ծրագրերը պարզապես ոչ մեկի մտքով չէին էլ անցնի։ Եվ իրոք, ծրագիրն է Հայաստանը դարձնել թուրքական գաղութ, բայց ոչ նվաճումների, ճնշումների կամ նման այլ բաների միջոցով: Պատկերացնել այն, որ Հայաստանի ղեկավարն ինքն է երկիրը վերածում Թուրքիայի գաղութի, լավ, ո՞ւմ մտքով կանցներ:
Բայց իրականում ինչո՞ւ ենք զարմանում Գերմանիայի հետ պատահածից հետո։ Անկեղծ ասած, գերմանական արդյունաբերությունը համաշխարհային էր, նրա արտադրանքը վաճառվում էր ամբողջ աշխարհում։ Իսկ հետո Բեռլինին ստիպեցին իր ձեռքով քանդել այդ ամենը։ Այդ դեպքում ինչո՞ւ ենք զարմանում Հայաստանի հարցով։ Նա, անկեղծ ասած, աշխարհի թիվ 5 տնտեսությունը չէ, որը դեռ կարող է դիմակայել...
Հայաստանում սկսել են քաղաքների անվանումները փոխել թուրքական տեղանուններով։ Դա անում են դանդաղ, ընդ որում Հայաստանի տարածքում գտնվող և Հայաստանի վերահսկողության տակ գտնվող հայկական քաղաքների հետ։
Այսինքն հիմա չենք խոսում Հայաստանի զինանշանի վրա գտնվող սուրբ Արարատ լեռը լքելու մասին միայն այն պատճառով, որ այն այժմ գտնվում է Թուրքիայի տարածքում։ Եվ խոսքը Ղարաբաղը հանձնելու մասին էլ չէ, որն աշխարհում ոչ ոք չճանաչեց, այդ թվում, ի դեպ, հենց Հայաստանն ինքը: Այդ ամենն անցյալ է՝ վիճելի Արցախը հանձնվել է, հիմա Փաշինյանը սկսել է Թուրքիային հանձնել Հայաստանի այն տարածքները, որոնք ողջ աշխարհի կողմից են ԱՆՊԱՅՄԱՆ ճանաչված։ Ահա թե ինչ են գրում լրատվամիջոցները. «Հայաստանում նոր հատակի ճեղք է բացվել: Ոչ անտարբեր հայ քաղաքացիները ցուցադրել են 2-րդ և 5-րդ դասարանների դպրոցական դասագրքերը, որտեղ քաղաքների հայկական անվանումների փոխարեն օգտագործվում են ադրբեջանական տեղանուններ։ Օրինակ երկրորդ դասարանցիների մայրենիի դասագրքում Ստեփանավան քաղաքը ադրբեջաներեն անվանվում է Ջալալօղլու։ Իսկ Սպիտակը 5-րդ դասարանի գրքում ներկայացված է որպես Համամլու՝ նույնպես թյուրքական անուն»։
Մի խոսքով, Փաշինյանը մեկնարկում է Հայաստանի թուրքացման գործընթացը։ Ի դեպ, լեզվի մասին։ «Սխալ» լեզուների դեմ պայքարի գործընթացը գլոբալիստներն իրականացնում են ոչ միայն Ռուսաստանում։ Բայց դժվար թե բոլոր այն «առաջադեմ», «մոդայիկ» և «եվրոպական կողմնորոշմամբ» հայերը, ովքեր իշխանության բերեցին Փաշինյանին, կարող էին ենթադրել, որ հայերենը նույնպես կընդգրկվի «սխալ լեզուների» մեջ։ Եվ ամենակարևորն այն է, որ թուրքերենը իրենց մոտ «ճիշտ» լեզու դառնա։ Բայց իրականում գլոբալիստների մտածելակերպն ու տրամաբանությունը պարզ է ու անբասիր. նրանք մտածում են տասնամյակներ և նույնիսկ դարեր առաջ, և ինքնությունների պահպանումը, անշուշտ, չի անհանգստացնում նրանց։ Նրանց պետք է Ռուսաստանի ռեսուրսներին հասնել եթե ոչ հիմա, ապա գոնե 50 տարի հետո։ Նաև գլոբալիստներին չի մտահոգում այն, որ իրենք գործում են ուրիշների ձեռքերով: Եվ այդ առումով, իհարկե, նրանց համար շատ ավելի ձեռնտու է հզորացնել Թուրքիային, որի հետ երկար տարիներ աշխատում են, և որը մեկ անգամ չէ, որ առերեսվել է Ռուսաստանի հետ։ Իսկ եթե դա պահանջում է զոհաբերել Հայաստանը, ապա ինչո՞ւ ոչ։
Եվ դա անգամ առանց այն փաստի, որ Իրանի հետ ԱՄՆ-ի խնդիրը նույնպես անմիջապես լուծվում է։ Ի՞նչ է դա նշանակում: Փաստն այն է, որ Զանգեզուրի միջանցքի հարցը մեկընդմիշտ փակվելու է ամենաանսպասելի կերպով, քանի որ ամբողջ Հայաստանն է վերածվելու նման միջանցքի։ Եթե նախկինում ասվում էր, որ Հայաստանը, վարելով անկախ քաղաքականություն, շահագրգռված չէ Թուրքիայից Ադրբեջան ցամաքային միջանցք ստեղծելով, ապա Անկարայի գաղութ դառնալն ինքնաբերաբար կփակի այդ հարցը։ Այլևս կարիք չի լինի Հայաստանից նեղ «միջանցքներ» կտրել: Թուրքիայից Ադրբեջան կարելի է գնալ Հայաստանի տարածքի ցանկացած կետով, քանի որ դա, ընդհանուր առմամբ, կլինի Թուրքիայի տարածք՝ նույնիսկ քաղաքների թուրքական անուններով։ Դրանից առաջին հերթին, Իրանը լիովին կկտրվի Անդրկովկասից։ Այո, ֆորմալ առումով Իրանը դեռ միջանցք ունի Կասպից ծովով։ Բայց փաստացի, Թուրքիան նույնպես կհասնի Կասպից ծով։ Իսկ սա արդեն հաճելի չէ։
Փաստորեն, դրա համար էլ Հայաստանն այդքան բարձր է գնահատվում թե՛ ԱՄՆ-ում, թե՛ Ռուսաստանում, որովհետև այդ երկիրն այս ամբողջ կառույցի մի տեսակ «հիմնաքարն» է։ Թուրքիայի մաս դառնալով (կամ հայտնվելով նրա լիակատար վերահսկողության տակ) Հայաստանի նշանակությունը կկորչի։ Ոչ մի կարևոր հարցի համար ոչ մի երկիր չի ցանկանա լսել Երևանի կարծիքը, քանի որ դիմելու են Անկարային։ Իսկ Հայաստանը կկարողանա ֆորմալ առումով անկախ մնալ՝ որոշ ժամանակով, կամ գուցե և ոչ... Ուրեմն, դա գլոբալիստների շահն է՝ «փակել» հայկական հարցը։ Դա անմիջապես խնդիրներ կստեղծի Իրանի, ապագայում Ռուսաստանի համար, քանի որ անգլո-սաքսոնները ելք կստանան դեպի Կասպից ծով։ Իսկ հայերը...
Սպիտակի երկրաշարժը բոլորն են հիշում. Փոքր քաղաք, որը հայտնի էր ողջ Խորհրդային Միությունում։ Բայց Փաշինյանի շնորհիվ Սպիտակն այլևս չի լինի, ինչպես Արցախն այլևս չկա, կլինի Համամլուն:
Զավեշտն այն է, որ մեզ այսքան ժամանակ մեղադրում էին, ասում էին ստում եք, Փաշինյանը չէր կարող հանձնել Արցախը: Եվ ի՞նչ, իրո՞ք չէր կարող, իսկ հայկական տեղանունները թուրքականներով փոխելը ինչի՞ համար է արվում: Պարզ է ինչու, որպեսզի մեծանա հայերի գաղութացված սերունդը, որը չի հիշի անգամ իր հայրենի քաղաքների անունները, որ հենց մանկությունից նրա գլխում ամեն ինչ թուրքերենով լինի։ Արդյո՞ք այս ամենում ևս «Մոսկվան է մեղավոր»: Իսկ ձեր սիրելի Փաշինյանը կապ չունի՞ դրա հետ։ Հետաքրքիր է, այդ դեպքում դեռ ի՞նչ պետք է անի Փաշինյանը, որպեսզի մարդիկ հասկանան, որ Հայաստանն ամբողջությամբ հանձնվում է Թուրքիային։
Նյութը հրապարակման պատրաստեց Կամո Խաչիկյանը
