Բաքվի ձայնը. «Հայաստանը սխալվում է ձգտելով ՆԱՏՕ»
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ եթե ինչ-որ մեկը ցանկանում է մտերմություն, նախ պետք է հասկանա, թե որքանով է դա անվտանգ և ինչի կհանգեցնի դա, ասել է ՌԴ ԱԳՆ պաշտոնական ներկայացուցիչ Մարիա Զախարովան խոսելով ՆԱՏՕ-ի հետ Երևանի մերձեցման մասին: Նա նաև նշել է, որ նախ պետք է հասկանալ, թե ի՞նչն է ձեռնտու հենց Հայաստանին և նրա ազգային շահերին։
Բացի դա ըստ հայկական ԶԼՄ-ների ֆրանսիական Safran Group ընկերություն նախատեսում է Հայաստանի հետ սկսել զենքի և բաղադրիչների համատեղ արտադրություն։ Այդ ընկերությունն արտադրում է բաղադրիչներ ավիացիայի համար, ձևավորվել է 2005 թվականին ինքնաթիռների և հրթիռային շարժիչների և օդատիեզերական մասեր արտադրող Snecma-ի և էլեկտրոնիկայի արտադրող SAGEM-ի միաձուլման արդյունքում։ Safran Group-ի ստորաբաժանումները նաև արտադրում են ժամանակակից բազմասպեկտրային հեռադիտակներ, լազերային հեռաչափեր և Patroller MALE անօդաչուներ:
Ադրբեջանական սոցիալական ցանցերն իրենց գնահատականն են տվել ռազմական արդյունաբերության հզորացմանն ուղղված Հայաստանի ջանքերին։ Օգտատերերն ակտիվորեն քննարկել են նաև ՌԴ ԱԳՆ ներկայացուցիչ Մարիա Զախարովայի խոսքերը տարբեր հեռագրային ալիքներում, մասնավորապես «Caliber»-ում։
Волчье логово. «Մարիա Վլադիմիրովնա, Հայաստանին հրատապ դենացիֆիկացիա է պետք, սկսեք «արդուկել» Երևանը թևավոր հրթիռներով, և մենք ձեզ կօգնենք»:
Rahim Babayev. «Հայաստանը սխալվում է ձգտելով դեպի ՆԱՏՕ, ուժեղ Ադրբեջանը նրան շանս չի թողնի»:
STRОNOG. «ԵՄ-ի և Հայաստանի մերձեցումը հիմնված է բացառապես Ռուսաստանի վրա, Ադրբեջանն ընդհանրապես կապ չունի դրա հետ, Հայաստանն այս ամենն անում է Ադրբեջանի, իսկ ԵՄ-ն Ռուսաստանի պատճառով: Եթե ԵՄ-ի և Հայաստանի շահերը չհամընկնեն, եթե հարկ լինի, Հայաստանը կդավաճանի Եվրոպային հօգուտ Ռուսաստանի, պատճառն այն է, որ Ռուսաստանը չօգնեց Հայաստանին Ադրբեջանի դեմ, Հայաստանը վիրավորված է և փնտրում է մեկին, ով իր համար կպայքարի Ադրբեջանի դեմ, ԵՄ-ն Հայաստանին ոչինչ չի տա, եթե չլինի ռուսական գործոնը»։
Sabina I. «Սպառնում է: Բայց ես չեմ հասկանում, թե մեր ժողովուրդն ինչու է ուրախանում, նրանք նաև կսպառնան»:
Влад Филин. «Ոչ ոք ՆԱՏՕ-ի հետ մտերմություն չի ուզում կամ չէր ցանկանում՝ ո՛չ բալթյան երկրները, ո՛չ ֆինները, ո՛չ շվեդները, ո՛չ նախկին ԽՍՀՄ երկրները։ Բայց հիմա, ով ՆԱՏՕ-ում է, իրեն ապահով է զգում Ռուսաստանից։ Իսկ Ռուսաստանը նույնիսկ չի կարողանում ինչ որ բան անել այն երկրի հետ, որը դաշինքի անդամ չէ: Մարիա Զախարովան և նրա գործատուները կարող են միայն խոսել»:
Radio.« Այդ եվրոպացի ապուշների կողմից պատժամիջոցներն ու խոսակցությունները մեր համար վտանգավոր չեն: Պատժամիջոցները մահացու չեն, ինչպես ցույց են տալիս Ռուսաստանի ու Իրանի օրինակները»:
Tayler. «Մենք պետք է զուտ չեզոք արձագանքենք այս լուրերին: Եվ հիմա նրանք մեզ ցույց կտան, թե դա ինչ պետք է լինի»:
«Caliber» հեռագրային ալիքի բաժանորդները քննարկել են նաև Ֆրանսիայի ու Հայաստանի միջև զենքի համատեղ արտադրության մասին լուրերը։
Emin. «Ադրբեջանին սպառնացող ամենաչնչին սպառնալիքի դեպքում պետք է ոչնչացվի Հայաստանը»:
Muhamed O. «Ինչո՞ւ Թուրքիան մեզ մոտ անօդաչու թռչող սարքերի արտադրության գործարան չի կառուցում»:
Garib. «Կարծում եմ Հայաստանում, եթե անգամ Ֆրանսիան էլ ինչ-որ բան կառուցի, ուղղակի որոշ բաղադրիչներ կարտադրի և ոչ ավելին, Ֆրանսիան չի գնա լուրջ արտադրության, քանի որ տեխնոլոգիաները կարող են անցնել Ռուսաստանին, նաև մեզանից։ Առայժմ շատ է այն մարդկանց զանգվածը, ովքեր սիրում են Ռուսաստանը»:
Venom. «Զվարճալի նորություն, իհարկե: Հայաստանի հետ ասելով հավանաբար նկատի ունեն անվճար ֆրանսիականը հայկական բարի ավանդույթի համաձայն, ամեն ինչ ձրի ստանալ»։
Said. «Ֆրանսիան պետք է խարիսխ գցի Հայաստանում և դրա համար նախ պետք է նոկաուտի ենթարկի Ռուսաստանին, քանի որ երկու գլուխը մեկ կաթսայում չի եփվում»։
Rustam. «Թուրքիան մեզ ոչ մի բանով պարտական չէ։ Դադարե՛ք մտածել ինչպես հայերը։ Ոչ ոք մեզ ոչինչ պարտական չէ։ Եվ մենք եղբայրական Թուրքիայի հետ միասին երկար ժամանակ անօդաչու թռչող սարքեր ենք արտադրում»։
Venom. «Նրանք երբեք չեն կարողանա Ռուսաստանին վտարել Հայաստանից։ Ռուսաստանի համար դա միակ հարավային սահմանն է, որը մնում է իր վերահսկողության տակ։ Գոնե մինչև 2044 թվականը դա տեղի չի ունենա ըստ հայերի ստորագրած պայմանագրի»։
Նյութը հրապարակման պատրաստեց Կամո Խաչիկյանը
