Բաքվի ձայնը. «Ժամանակն է Զանգեզուրը վերադարձնել Ադրբեջանին»
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ Ռուսաստանի արտաքին գործերի նախարար Սերգեյ Լավրովը ափսոսանք է հայտնել, որ Երևանի դիրքորոշման պատճառով Հայաստանի Սյունիքի մարզով երթուղին շարունակում է փակ մնալ։ «Շատ ցավալի է, որ Հայաստանի համար այնպիսի գործնական, ձեռնտու բան, ինչպիսին է Սյունիքի մարզով երթուղու բացումը, դեռևս մնում է թղթի վրա: Ամբողջ հարգանքով հանդերձ, ես պատճառը տեսնում եմ Երևանի դիրքորոշման մեջ»,- ամփոփիչ մամուլի ասուլիսում նշել է նախարարը։ Հունվարի 10-ին Ադրբեջանի նախագահ Իլհամ Ալիևը հայտարարել էր, որ ադրբեջանական կողմը չի լքի հայ-ադրբեջանական սահմանին 2021 թվականի մայիսին և 2022 թվականի սեպտեմբերին գրավված դիրքերը։ Նա անհիմն է անվանել Հայաստանի պահանջները Ադրբեջանի դեմ սահմանին օկուպացված տարածքների վերաբերյալ։ Երեք օր անց Նիկոլ Փաշինյանն ասել է, որ այդ հայտարարությունները լուրջ հարված են խաղաղության գործընթացին։ 2023 թվականի նոյեմբերի սկզբին Հայաստանի արտգործնախարար Արարատ Միրզոյանը հայտարարել է, որ Հայաստանի Սյունիքի, Գեղարքունիքի և Տավուշի մարզերում մոտ 200 քառակուսի կիլոմետր տարածք գտնվում է ադրբեջանական ուժերի վերահսկողության տակ։ Նրա խոսքով, այդ տարածքներն Ադրբեջանի վերահսկողության տակ են անցել ինչպես 1990-ականներից, այնպես էլ «2021 թվականի մայիսին և 2022 թվականի սեպտեմբերին հայկական տարածքի վրա հարձակումների ժամանակ»։
Ադրբեջանցիներն արձագանքել են այս ամենին ակտիվորեն մեկնաբանելով լուրերը CBC TV Armenia YouTube-ի ալիքում։
Галиб Керимов. «Էյֆորիա Ֆրանսիայի և Գերմանիայի աջակցությամբ, հայերի համար սա ակնթարթային հաճույք է, Հայաստանը, Ֆրանսիան և ԱՄՆ-ն իրական խնդիրներով չեն զբաղվում»:
Sparrow1917. «Հրավիրիր Թուրքիային, նրանք արագ կարձագանքեն»:
ANDZREVRAIN. «Ռուսաստանի Դաշնությունում խնդիրներ կան, և Լավրովը խնդիրներ ունի, քանի որ ՌԴ ԱԳՆ-ն կորցրել է վստահությունը Հայաստանի նկատմամբ, Հայաստանում պարզապես Լավրովին չեն լսում, պարզվում է, որ Լավրովի առաջարկները ոչ միայն տեղին չեն, այլ նաև վնասակար են Հայաստանի համար: Հարցն այն է, որ այդ ամենը Լավրովին չի հասնում, ու նա չի կարողանում հայերին բացատրել, թե որն է հայերի օգուտը: Իսկ Ռուսաստանի օգուտը ակնհայտ է, իսկ ահա օգուտները միջանցքից, որը պահանջում է Ադրբեջանը իր պայմաններով, տեսանելի չէ Հայաստանի համար»։
Letif Ağayev. «Ժամանակն է Զանգեզուրը վերադարձնել Ադրբեջանին, դուք Զանգեզուրը տվեցիք հայերին, սխալը պետք է ուղղվի»:
Ադրբեջանցիների ակտիվ քննարկումները տեղի են ունեցել նաև YouTube-ի «Baku TV | RU» ալիքում:
Azad0702. «Պարոն Լավրով, հարգանքներս։ Դուք հայերին ամեն ինչ հիանալի բացատրեցիք։ Նրանք պետք է ուշադիր կարդան եռակողմ համաձայնագրի 9-րդ կետը։ Եվ մենք անտեսելու ենք հայերի արևմտյան ընկերների «լավ խորհուրդները»»։
Я АЗЕР. «Ազնիվ դառնալու համար դուք պետք է փոխեք ձեր ինքնությունը: Աշխարհի բոլոր քաղաքակիրթ պետությունները կատարում են միմյանց միջև կնքված բոլոր պայմանավորվածությունները»:
ШАХМАЛЛАР. «Ես այնքան էլ համամիտ չեմ ձեզ հետ, Հայաստանը գործում և ապրում է ԱՄՆ-ի և Եվրոպայի, Հայաստանի որոշ հովանավորների խորհուրդներով: Ադրբեջանն ինքնիշխան երկիր է, նա բոլոր հարցերն ինքն է լուծում՝ առանց դրսից որևէ խորհրդի»:
Олег Алиев. «Շատ պարզ է, որ եթե Հայաստանը կամավոր չի ցանկանում կատարել եռակողմ համաձայնագիրը, կան համոզելու այլ մեթոդներ»:
Elnur Safarov. «Այնուամենայնիվ բոլորին կոչում են իր իսկական «Զանգեզուր» անունով, դա եղել է և կլինի Ադրբեջանինը»:
Rauf Yaradan-Guliyev. «Ռուսաստանը ինչպես միշտ խառնաշփոթ է սարքում, նա չասաց, որ գրված է «անարգել», այսինքն առանց ստուգումների, առանց ուշացումների, այլ փոխարինեց «անվտանգ» բառով, և սրանք տարբեր հասկացություններ են»։
hb6co6bl3q. «Մինչև Զանգեզուրի միջանցքը չբացվի, Հայաստանը քարե պարկի մեջ է լինելու, Ադրբեջանը ոչ մի ճանապարհ և երկաթուղի չի բացելու»:
Чар. «Ես, երևի, եթե լինեի Կրեմլը, քանի որ Հայաստանը համաձայնության ունակ կողմ չէ, այն կտայի Ադրբեջանին «խժռելու համար»: Պետք է ճեղքել ցամաքային միջանցքը, դա կարելի է արագ անել»:
Նյութը հրապարակման պատրաստեց Կամո Խաչիկյանը
