Պետդեպարտամենտը հաստատել է Հորդանան գետի Արեւմտյան ափին ԱՄՆ քաղաքացու զոհվելու մասին տեղեկությունը. CNN
ՄԻՋԱԶԳԱՅԻՆ
Պետդեպարտամենտը ուրբաթ պաշտոնապես հաստատել է Հորդանան գետի Արեւմտյան ափին ԱՄՆ քաղաքացու զոհվելու մասին տեղեկությունը եւ դիմել է Իսրայելի կառավարությանը լրացուցիչ տեղեկատվության համար, CNN հեռուստաալիքին տեղեկացրել է ԱՄՆ պետդեպարտամենտի մամուլի քարտուղարը։
«Մենք խորին ցավակցություններ ենք հայտնում ընտանիքին»,- հայտնել են պետդեպարտամենտում։
Գերատեսչության մամուլի քարտուղարը չի նշել զոհվածի անունը կոնֆիդենցիալության նկատառումներով, նշել է հեռուստաալիքը։
«Ընտանիքի հանդեպ հարգանքից ելնելով հետագա մեկնաբանություններ չենք անում»,- հայտնել են հեռուստաալիքին։
Ավելի վաղ WAFA պաղեստինյան տեղեկատվական գործակալությունը տեղեկացրել էր 17-ամյա Թաուֆիկ Հաֆիզ Աջաքի մահացու վիրավորման մասին։
Իսրայելի Պաշտպանության բանակը (ՑԱԽԱԼ) եւ Իսրայելի ոստիկանությունը CNN-ին տեղեկացրել են, որ տեղեկություններ են ստացել այն մասին, որ ոստիկանը եւ Իսրայելի քաղաքացին կրակ են բացել «մի պաղեստինցու դեմ, որին կասկածել են քարեր նետելու մեջ Ալ-Մազրաա աշ-Շարքիա շրջանում»։
ՑԱԽԱԼ-ը հայտնել է, որ ստուգում է հայտարարություններն այն մասին, որ զինվորը կրակ է բացել, իսկ Իսրայելի ոստիկանությունը հետաքննություն է սկսել։
