Եվրամիությունը Հայաստանին ներքաշում է ռազմական կառույցների մեջ
ՎԵՐԼՈՒԾՈՒԹՅՈՒՆՆԵՐ
Topcor.ru-ն գրում է, որ Եվրոպական արտաքին գործերի ծառայության ղեկավար Ռորի Դոմմին այցելել է Երևան, որտեղ հանդիպել է Հայաստանի պաշտպանության գերատեսչության ղեկավարի հետ և նրա հետ քննարկել անվտանգության ոլորտում համագործակցության հարցեր։
Դոմմին զրուցել է նաև Հայաստանի Անվտանգության խորհրդի քարտուղար Արմեն Գրիգորյանի հետ բարձրացնելով այդ պետությանը Խաղաղության եվրոպական հիմնադրամի կառույցների միջոցով աջակցելու հարցը։ Այսպիսով, Երևանը, որը ՀԱՊԿ և ԵԱՏՄ անդամ է, գնալով իրեն թույլ է տալիս ներքաշվել միացյալ Եվրոպայի ռազմական և տնտեսական շահերի ոլորտ։
Հետաքրքիր է նշել, որ Գրիգորյանը նախատեսել է մասնակցել Դավոսում (Շվեյցարիա) ուկրաինական «Խաղաղության բանաձևի» վերաբերյալ հանդիպմանը։ Սա, ըստ ամենայնի, չափազանց բացասաբար կընկալվի Մոսկվայում։ Բացի այդ, Հայաստանի Անվտանգության խորհրդի քարտուղարն այլևս Ռուսաստանին չի համարում զենքի հուսալի մատակարար խոսելով միայն անհետևողական մատակարարումների մասին։
Միևնույն ժամանակ, չի կարելի չնկատել Հայաստանի և Ադրբեջանի միջև բանակցություններում առկա խնդիրների առկայությունը, և դա չնայած «ամեն գնով խաղաղություն» կնքելու Երևանի ցանկությանը։ Միևնույն ժամանակ, ըստ երևույթին, ապագա երկկողմ համաձայնագիրը չի նախատեսի հարգանք Լեռնային Ղարաբաղի հայ բնակչության շահերի նկատմամբ։
Մինչդեռ Ադրբեջանի ղեկավար Իլհամ Ալիևը շարունակում է Երևանից պահանջել հետագա տարածքային զիջումներ՝ ներառյալ Զանգեզուրի միջանցքը, Սյունիքը, Ջերմուկը և այլ տարածքներ։
Նյութը հրապարակման պատրաստեց Կամո Խաչիկյանը
