Թմրանյութերի տարածումը օր օրի ավելի ահագնացող խնդիր է դառնում, անգրագիտությունը ամենաբարձր մակարդակի վրա է՝ անկախությունից ի վեր․ Սթափվել է պետք․ Հենրիխ Դանիելյան

ՀՀԿ Երիտասարդական կազմակերպության ղեկավար Հենրիխ Դանիելյանը ֆեյսբուքյան իր էջում գրել է՝ օրվա իշխանությունները ոչնչացնում են ապագա կառուցելու՝ երիտասարդների երազանքները։

«Ահա սրանք են այն սպիտակ գենոցիդի արդյունքները, որոնցով վտանգվում է երիտասարդների ապագան։

Այսօր առավել, քան երբևէ  պետք է զգոն լինել, օրվա իշխանությունները բացի հայրենիքը քանդելուց, հանձնելուց, ոչնչացնում են երիտասարդների երազանքները, ապագա կառուցելու նրանց երազանքները։

Թմրանյութերի տարածումը երիտասարդների շրջապատում օր օրի ավելի ահագնացող խնդիր է դառնում: Դպրոցների և համալսարանների շրջակայքում՝ պատերի վրա լույսի արագությամբ շատացող  տելեգրամյան ալիքների «online shop»-երը, որոնց միջոցով ձեռք են բերվում սինթետիկ թմրամիջոցներ, խաղամոլություն, որի պաշտոնական տվյալները ստորև ներկայացնում եմ Ձեզ։

Սրանք խնդիրներ են, որոնք մենք պետք է լուծենք որպես հասարակություն և որպես պետություն, քանի որ այսօր ՀՀ-ն չունի իշխանություն։

Իշխանության աթոռը զավթվել է ազգակործան պատուհասների կողմից, և ՀՀ այսօրվա կառավարիչներին չի հուզում ոչ մի խնդիր, բացի իրենց միզերային նեղ անձնական շահից: Սթափվել է պետք, նիկոլիզմը կործանում է մեր պետության բոլոր հիմքերը՝ բանակ, եկեղեցի, երիտասարդություն:

Էլ չասեմ, որ անգրագիտությունը ամենաբարձր մակարդակի վրա է անկախությունից ի վեր, ինչն արտացոլում է կրթության վատ վիճակը։

Օրինակներն արտացոլվում են փաստերով։ 1119 ատեստացիայի դիմած ոստիկաններից ատեստացիան անցել են 189-ը, որոնց զգալի մասը երիտասարդներ են։

Ահա նման անդունդ է բերել մեզ գործող վարչախումբը՝  Նիկոլի գլխավորությամբ»։