Արևմուտքն ամենևին էլ չի վստահում Փաշինյանի հակակոռուպցիոն պայքարին
ՎԵՐԼՈՒԾՈՒԹՅՈՒՆՆԵՐ
Այսօր Հայաստան է ժամանելու ԱՄՆ պետդեպարտամենտի համաշխարհային հակակոռուպցիոն հարցերով համակարգող Ռիչարդ Նեֆյուն, որը լինելու է Հայաստանում և Վրաստանում՝ քննարկելու կոռուպցիայի դեմ պայքարի ներկայիս ջանքերն ու մարտահրավերները, ինչպես նաև հետագա համագործակցության ոլորտները։
Նեֆյուն հանդիպելու է պետական պաշտոնյաների, նաև արդարադատության ոլորտի և իրավապահ մարմինների ներկայացուցիչների հետ, մասնակցելու է քաղքացիական հասարակության կլոր սեղանին։
Մեր աղբյուրների փոխանցմամբ՝ այցը, սակայն, այսքանով չի սահմանափակվելու։ Մասնավորապես ամերիկյան կողմը գործող իշխանություններին ցանկեր է տրամադրելու թե՛ նախկին իշխանությունների որոշ ներկայացուցիչների կոռուպցիոն դրսևորումների և թե՛ նույնիսկ գործող վարչախմբի տարբեր ներկայացուցիչների կողմից իրականացված կոռուպցիոն հանցագործությունների վերաբերյալ։ Ի դեպ, նման ցուցակներ Փաշինյանին ավելի վաղ էլ տրամադրվել են, և վերջին շրջանի հայտարարություններն ամբողջությամբ տեղավորվում էր այս համատեքստում։
Փաշինյանը վերջապես հասկացել է, որ իր իշխանության տարբեր ներկայացուցիչներ առանձնապես թքած ունեն զգուշացումների վրա և արագ տեմպերով հարստանում են, ընդ որում գումարների մի մասն էլ տեղափոխում են Հայաստանից դուրս, հենց այս փաստերն էլ ներկայացվելու են Փաշինյանին և կտրուկ հարց է դրվելու նրա առջև բոլոր այդ կոռուպցիոներներին պատժելու։
Արևմուտքն ամենևին էլ չի վստահում Փաշինյանի հակակոռուպցիոն պայքարին։
Աիդա Սարատիկյան
