Պատմության այս օրը (հունվարի 5 )

ՈՐՈՇ ՏՈՆԵՐ - Սերբիա և Չեռնոգորիա՝ Տուցինդանի օր, Հնդկաստան՝ Գուրու Գոբինդա Սինկխի ծննդյան օր, Բելոռուս՝ Սոցիալական պաշտպանության աշխատողների օր:

ՀԱՅԱՍՏԱՆՈՒՄ

1891 - ծնվել է  մանկավարժ, բանաստեղծ Վաղինակ Բեքարյանը:

1900 - ծնվել է կոմպոզիտոր, խմբավար, մանկավարժ Մարտին Մազմանյանը:

1906 - ծնվել է հայ խորհրդային կոմպոզիտոր և դիրիժոր Աշոտ Սաթյանը:

1907 - վախճանվել է բանաստեղծ, հրապարակախոս և մանկավարժ Սմբատ Շահազիզը։

1910 - ծնվել է նկարիչ Արմեն Չիլինգարյանը:

1910 - ծնվել է նշանավոր գրող, արձակագիր, դրամատուրգ, թարգմանիչ Գարեգին Բեսը:

1911 - ծնվել է դերասան Գևորգ Աշուղյանը:

1913 - ծնվել է գրականագետ, բանասիրական գիտությությունների դոկտոր Սալոմե Արեշյանը։

1919 - ծնվել է բանաստեղծուհի, հասարակական գործիչ Սիլվա Կապուտիկյանը:

1920 - ծնվել է երաժիշտ, մանկավարժ Գևորգ Արմենյանը:

1925 - ծնվել է գյուղատնտեսական արտադրության առաջավոր, գյուղատնտես Մարիամ Մարտիրոսյանը:

1936 - ծնվել է խորհրդային և ռուսական կինոյի հայազգի դերասան և ռեժիսոր, Ռուսաստանի Դաշնության արվեստի վաստակավոր գործիչ Պավել Արսենովը։

1944 - ծնվել է մանրէաբան, կենսաբանական գիտությունների դոկտոր Սվետլանա Բաղդասարյանը:

1949 - ծնվել է երգչուհի, Հայաստանի Հանրապետության վաստակավոր արտիստ Գայանե Ներսիսյանը:

1992 - Հայաստանը դիվանագիտական հարաբերություններ է հաստաատել Շվեյցարիայի հետ:

2014 - վախճանվել է  ճարտարապետ, ակադեմիկոս, Երևանի գլխավոր ճարտարապետ Ջիմ Թորոսյանը:

2014 - վախճանվել է  քանդակագործ, ՀՀ արվեստի վաստակավոր գործիչ Նորայր Կարգանյանը:

2022 - Վաղարշակ Հարությունյանը նշանակվել է Ռուսաստանում Հայաստանի դեսպան:

ԱՇԽԱՐՀՈՒՄ

62 մ.թ.ա. - տեղի է ունեցել Պիստորիի ճակատամարտը հռոմեկան սենատի բանակի և ապստամբ կատիլինիանցիների միջև, որը ավարտվել է ապստամբների ամբողջական պարտությամբ:

1589 - վախճանվել է Ֆրանսիայի թագուհի, Ֆրանսիայի թագավորության ժամանակավոր կառավարիչ-գահապահ, Ֆրանսիայի թագավոր Հենրիխ 2-րդ Վալուայի կին, Ուրբինոյի դուքս Լորենցո դե Մեդիչիի դուստր Եկատերինա Մեդիչին:

1592 - ծնվել է Բաբուրիդների կայսրության շահ Ջահանը, որը հանդիսանում է Թաջ-Մահալ դամբարանի ստեղծողը:

1769 - շոտլանդացի ինժեներ, գյուտարար Ջեյմս Ուատտը արտոնագրել է շոգեքարշիչը։

1809 - ստորագրվել է Դարդանելյան հաշտության պայմանագիրը, որով ավարտվել է թուրք-անգլիական պատերազմը:

1823 - ծնվել է մեքսիկացի փաստաբան, պրոֆեսոր, ժուռնալիստ և պետական գործիչ Խոսե Մարիա Իգլեսիասը:

1876 - ծնվել է Գերմանիայի Ֆեդերատիվ Հանրապետության պետական գործիչ, իրավագետ Կոնրադ Ադենաուերը:

1905 - ռուս-ճապոնական պատերազմի ժամանակ տեղի է ունեցել Պորտ-Արտուր բերդի կապիտուլյացիան:

1919 - Կարմիր բանակը գրավել է Վիլնյուսը:

-Բեռլինում սկսվել է Սպարտակիստների ապստամբությունը:

1931 - ծնվել է ամերիկացի նշանավոր դերասան, ամերիկյան կինոյի վետերաններից մեկը հանդիսացող Ռոբերտ Դյուվալը։

1932 - ծնվել է իտալացի գրող, փիլիսոփա Ումբերտո Էկոն։

1941 - Երկրորդ համաշխարհային պատերազմի ժամանակ լիբիական օպերացիայի շրջանակներում բրիտանական զորքերը ջախջախել են իտալական զորքերին Լիբիայի Բարդիա քաղաքի մոտ։

1956 - Անտարկտիդա է հասել առաջին խորհրդային գիտահետազոտական արշավախումբը։

1968 - Չեխոսլովակիայում իշխանության է անցել Ալեքսանդր Դուբչեկը, որը հետո նախաձեռնել է Պրահական գարունը:

2014 - վախճանվել է պորտուգալացի ֆուտբոլիստ, հարձակվող, բոլոր ժամանակների լավագույն ֆուտբոլիստներից մեկը հանդիսացող Էյսեբիոն։

2022 - կապված անկարգությունների հետ Ղազախստանում մտցվել է արտակարգ դրություն:

Կ. Խաչիկյան