Կարծիք. Ռուս-հայկական հարաբերությունները պետք է տեղափոխել նոր կառուցողական հարթություն
ՎԵՐԼՈՒԾՈՒԹՅՈՒՆՆԵՐ
Eadaily.com-ը գրում է, որ վերջին շրջանում հայ-ռուսական հարաբերությունների շուրջ ակտիվորեն տարածվում են կեղծ տեղեկատվական հոսքեր, ինչպես նաև ֆոն է ստեղծվել, որ իբր Հայաստանի հասարակության ճնշող մեծամասնությունը բացասաբար է տրամադրված Ռուսաստանի նկատմամբ։ Իրականում իրավիճակը ակնհայտորեն ուռճացված է, և բնակչության մեջ իսկապես շատ մարդիկ կան, ովքեր աջակցում են մեր երկկողմ հարաբերություններին։ Ամփոփելով անցնող տարվա արդյունքները այդ մասին լրագրողների հետ հանդիպման ժամանակ հայտարարել է «Ժողովրդի ձայնը» փորձագիտական ակումբի անդամ, հայ քաղաքագետ Արման Ղուկասյանը։
Նրա խոսքով՝ երկու երկրների միջև առկա է սերտ համագործակցություն տնտեսական ոլորտում։
«Ռուսաստանը շարունակում է մնալ Հայաստանի թիվ մեկ առևտրատնտեսական գործընկերը: Երկու երկրների միջև առևտուրը միայն անցյալ տարվա հունվարից նոյեմբեր ընկած ժամանակահատվածում 2021 թվականի նույն ժամանակահատվածի համեմատ աճել է 77%-ով և գերազանցել 4,1 մլրդ դոլարը, ինչը ռեկորդային է։ 2023 թվականի հունվար-սեպտեմբերին ապրանքաշրջանառությունն աճել է 43,5%-ով և կազմել 4,4 մլրդ դոլար։ Հայաստանից Ռուսաստանի Դաշնություն արտահանումն այս տարի հասել է 2,645 մլրդ դոլարի (աճը 85%), ներմուծումը ավելի քան 2,25 մլրդ դոլար (աճը 15,4%)։ Բացի այդ, Ռուսաստանը ներկայումս ներդրումներ է կատարում և նախատեսում է շարունակել ներդրումները Հայաստանի տնտեսության մեջ։ Հայաստանում Կայունացման և զարգացման եվրասիական հիմնադրամի միջոցով ներդրումների պորտֆելը 10 ծրագրերի համար գնահատվում է 533 մլն դոլար, ևս 300 մլն դոլար արժողությամբ ծրագրեր քննարկման փուլում են»,- ասել է նա հավելելով, որ Հայաստանին ոչ ոք նման ներդրումներ չի առաջարկել։
Ինչ վերաբերում է դեպի Արևմուտք իշխանությունների կուրսին, որի հիման վրա նրանք փորձում են հակառուսական տրամադրություններ հրահրել հայ հասարակության մեջ, Ղուկասյանը նշել է, որ Հայաստանի Արևմուտքից հատկացվող միջոցները չնչին են ռուսական ներդրումների համեմատ, Հայաստանի տնտեսության համար ռուսական շուկան մրցակցությունից դուրս է:
«Որոշ հասարակական-քաղաքական ուժեր, որոնք հանդես են գալիս հակառուսական օրակարգով և որպես այլընտրանք առաջարկում հանրապետության զարգացման արևմտյան ուղին, չունեն հստակ փաստարկներ և զբաղված են Հայաստան հոսող և իրականությանը հակասող օտարերկրյա դրամաշնորհների մշակմամբ։ Արտաքին ֆինանսավորմամբ ՀԿ-ները ավելի շատ ծառայում են արտաքին ուժերի շահերին, քան Հայկական շահերին»,- ընդգծել է նա։
Մեկնաբանելով Հայաստանում ՌԴ դեսպան Սերգեյ Կոպիրկինի հետ վերջին հարցազրույցը Արման Ղուկասյանը նշել է, որ Ռուսաստանը և Հայաստանը ներկայումս քննարկում են ռազմատեխնիկական համագործակցության ոլորտում նոր համաձայնագրերի հարցը: Նա նաև հիշեցրել է, որ
վերջերս Հայաստանը և Ռուսաստանը ստորագրել են նաև շրջանակային պայմանագիր գործող ՀԱԷԿ-ի էներգաբլոկի շահագործման ժամկետը երկարացնելու միջոցառումների համալիրի իրականացման համար, Ռուսաստանը պատրաստ է հետագա ներդրումներ կատարել այդ ոլորտում, Հայկական ատոմակայանի համար Ռուսաստանին այլընտրանք պարզապես չկա։
Հայ-ռուսական հարաբերություններում Հայաստանի իշխանությունները հաճախ, նրա խոսքով, ոչ կոմպետենտ որոշումներ են կայացնում և, եթե անգամ նրանք ցանկանում են վնասել ռուս-հայկական հարաբերություններին, ապա մեծամասամբ վնասում են իրենց, Հայաստանի իմիջին և ժողովրդավարական արժեքներին։ Որպես վերջին օրինակ նա հիշեցրել է Sputnik ռադիոկայանի մեկ ամսով հեռարձակման արգելքի իրավիճակը: «Չկա որևէ տրամաբանություն, իրավական հիմք Sputnik ռադիոկայանի հեռարձակումը մեկ ամսով դադարեցնելու համար, բայց կա փաստ, որ դա վնասում է Հայաստանի իմիջին աշխարհի աչքում որպես ժողովրդավարական երկրի, որտեղ խոսքի ազատությունը սահմանափակ է»,- ասել է նա։
Ամփոփելով Արման Ղուկասյանը նշել է, որ Հայաստանի ղեկավարությունը քաջ գիտակցում է Ռուսաստանի հետ երկխոսության շարունակման, ինչպես նաև երկկողմ հարաբերությունների խորացման կարևորությունը, հետևաբար Հայաստանի արտաքին քաղաքականության մեջ իրական քայլեր կամ շրջադարձեր չեն լինի, քանի որ «դա հղի է մեծ սպառնալիքներով մեր հանրապետության համար ներկա աշխարհաքաղաքական իրողություններում»:
«Հայաստանի իշխանությունները, չնայած բոլոր հրատապ հարցերին, չեն համարձակվի դուրս գալ ՀԱՊԿ-ից, և դա հրապարակավ հայտարարում են։ Կարծում եմ, որ գալիք տարում ռուս-հայկական հարաբերությունները պետք է տեղափոխվեն նոր կառուցողական մակարդակ, և դա է պահանջում Հայաստանի շահերը, իսկ բոլոր ի հայտ եկած խնդիրները պետք է լուծվեն դաշնակցային հարաբերությունների և ռազմավարական գործընկերության ոգով»,- հայտարարել է քաղաքագետը։
Նյութը հրապարակման պատրաստեց Կամո Խաչիկյանը
