Կարծիք. Ադրբեջանցիներն իրենք են անուղղելիորեն խաթարել հայերի վստահությունն իրենց նկատմամբ
ՎԵՐԼՈՒԾՈՒԹՅՈՒՆՆԵՐ
Rossaprimavera.ru-ն գրում է, որ ադրբեջանցիների նկատմամբ հայերի վստահությունը բազմիցս խաթարվել է հենց իրենց՝ ադրբեջանցիների կողմից, և այժմ այն անհնար է վերականգնել, ասել է Սևծովյան-կասպյան տարածաշրջանի քաղաքական և սոցիալական հետազոտությունների ինստիտուտի տնօրեն Վիկտոր Անատոլևիչ Նադեին-Ռաևսկին Մոսկվայում կայացած «Ռուսաստան-Հայաստան» առաջին հանրային ֆորումում։
Գիտնականն անդրադարձել է Հայաստանի Սյունիքի մարզի տարածքով Ադրբեջանի կողմից պահանջվող երթուղիների կազմակերպման խնդիրներին։ Նա նշել է, որ նախնական պայմանավորվածությունների համաձայն ռուս սահմանապահները պետք է պաշտպանեն բեռներն ու ուղևորներին, որոնք Նախիջևանից Հայաստանի տարածքով կտեղափոխվեն Ադրբեջանի տարածք։
Նա հավելել է, որ ճանապարհն ամբողջությամբ պետք է անցնի Երևանից Նախիջևանով, այնուհետև Սյունիքով և այնուհետև Ադրբեջանի տարածքով մինչև Բաքու։ «Բայց սկզբունքորեն դա դեպի Ռուսաստան ճանապարհ է»,- ընդգծել է քաղաքագետը։
«Հայաստանին ինչի՞ն է պետք մի երթուղի, որը նրան չի կապի Ռուսաստանի հետ։ Չէ՞ որ նա շրջափակման մեջ է։ Իսկ ո՞վ կարող է երաշխավորել այդ երթուղու անվտանգությունը հայ ուղևորների և հայկական բեռների համար»,- հարց է հնչեցրել Նադեին-Ռաևսկին:
Այդ հարցի լրջությունը ցույց տալու համար նա խոսել է այն մասին, թե ինչ է իրեն ասել խորհրդային և ռուս պետական և հասարակական գործիչ Վարդգես Բագրատովիչ Արծրունին, ով 1988 թվականին ղեկավարել է Սպիտակի և Գյումրիի շատ ավերիչ երկրաշարժի հետևանքների վերացումը։ «Երբ ամբողջ երկիրը շինարարական տեխնիկա ուղարկեց Հայաստան, Ադրբեջանում արդեն այդ տարիներին այն փչացվեց, հետո նոր ուղարկվեց։ Սննդամթերքով վագոնները քշում էին փակուղիներ, և երբ սնունդը փչանում էր՝ ուղարկում էին»,- Վարդգես Արծրունու խոսքերն է հիշեցրել գիտնականը։ «Եվ այդ պատմական հիշողությունն իսկապես կարո՞ղ է նպաստել ադրբեջանցիների նկատմամբ հայերի վստահությանը։ Ոչ, իհարկե»,- ընդգծել է Նադեին-Ռաևսկին։
Միևնույն ժամանակ, նա առաջարկել է վերը նկարագրված ճանապարհային երթուղու բնականոն գործունեության «տեսական» հնարավորությունը, եթե այն հսկեն Ռուսաստանի ԱԴԾ-ի զորքերը՝ ռուս սահմանապահները։ «Ուրեմն հնարավոր է, որ այլ ճանապարհ չկա»,- ասաց քաղաքագետը։
«Հնարավո՞ր է ընդհանրապես վերջ տալ Հայաստանի և Ադրբեջանի առճակատմանը։ Միայն տեսականորեն»,- նշել է նա։
Նրա խոսքով, Արցախի հայերի վերադարձը տեսականորեն հնարավոր է միայն մեկ դեպքում. եթե ռուս սահմանապահները՝ Ռուսաստանի ԱԴԾ-ն, կանգնեն Ղարաբաղի սահմանին և ապահովեն վերադարձած հայերի անվտանգությունը։
Նա նաև հիշեցրել է, թե ինչպես 2020 թվականին Լեռնային Ղարաբաղում 44-օրյա պատերազմի ժամանակ ադրբեջանցիները սոցիալական ցանցերում տեսանյութեր էին տարածում հայ գերիների նկատմամբ դաժան վերաբերմունքի և սպանված հայերի, այդ թվում՝ տարեց քաղաքացիական անձանց մարմինները պղծելու մասին։ «Դա մեծապես ամրապնդե՞լ է հայերի վստահությունը ադրբեջանցիների նկատմամբ: Հազիվ թե», - եզրափակել է գիտնականը:
Նյութը հրապարակման պատրաստեց Կամո Խաչիկյանը
