Միքայել Բադալյան. Արևմուտքի շահը Ռուսաստանին և Իրանին դուրս է մղում Հայաստանից և Հարավային Կովկասից
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ Հայտնի բլոգեր և հասարակական գործիչ Միքայել Բադալյանը PolitNavigator-ի խնդրանքով մեկնաբանել է Հայաստանի աշխարհաքաղաքական իրավիճակը և Հարավային Կովկասում տեղի ունեցող գործընթացները։
Politnavigator.- Ձեր գրառումներից մեկում գրում եք, որ «Ռուսաստանը, դատելով իր գործողություններից, չտրվեց Արևմուտքի սադրանքներին և գնաց բոլորովին այլ ճանապարհով։ Եղբայր ժողովուրդների միջև հակամարտություն հրահրելու փոխարեն՝ Ռուսաստանը անաղմուկ ուժեղացնում է իր ազդեցությունը Հայաստանում՝ հարյուրավոր միլիոն դոլարներ լցնելով տարբեր ենթակառուցվածքային օբյեկտների վրա, մեծացնելով իր ազդեցությունը ՏՏ արդյունաբերության, ագրոարդյունաբերության և զբոսաշրջության ոլորտներում ավելացնելով «Ռոսսոտրուդնիչեստվոյի» ներկայացուցչությունների թիվը Հայաստանում և շատ ավելին»։
Ի՞նչ եք կարծում, սա ինչո՞վ է պայմանավորված։ Որքանո՞վ նման քաղաքականությունն ավելի արդյունավետ կլինի Հայաստանի ներկայիս ղեկավարության օրոք։
Մ.Բ.- Իմ կարծիքով, Արևմուտքը և Նիկոլ Փաշինյանը, եկեք նրանց միավորենք, քանի որ երբ ասում ենք Արևմուտք, նկատի ունենք Փաշինյանին և հակառակը, պատասխան են փնտրում Ռուսաստանի դեմ իրենց սադրիչ գործողություններին։ Եթե հանկարծ նման բան լինի, ապա Հայաստանում իրավիճակի հետագա խաղարկումը, որպեսզի ռուսաֆոբիան զարգանա, հեշտից էլ հեշտ կլինի։ Շատ պարզ օրինակ բերեմ: Վերջերս Վերխնի Լարսը (Վրաստանի հետ Ռուսաստանի սահմանի անցակետը) փակվել էր 20-30 օրով։ Եվ ես գիտեմ շատ մարդկանց, ովքեր դրա արդյունքում կորցրել են հարյուր հազարավոր դոլարներ։ Այդպիսի զոհը հոգու խորքում գիտի, որ մեղավորը Փաշինյանն է ու Հայաստանի իշխանությունը, բայց առաջին հերթին մեղադրում է ռուսներին։ Եվ Ռուսաստանն այստեղ շատ կարևոր եզրակացություն արեց ցույց տալով, որ Հայաստանն իր համար ոչ թե Նիկոլ Փաշինյանն ու Հայաստանի իշխանությունն է, այլ հայ եղբայրական ժողովուրդը, որի հետ առճակատման մեջ չի մտնում։
Բայց այստեղ շատ կարևոր է կապիտալացնել այդ ներդրումները, քանի որ եթե այդ բոլոր ներդրումների և լավ գործողությունների կապիտալիզացիան չլինի, եթե չկա ճիշտ տեղեկատվական աջակցություն այն ամենին, ինչ կատարվում է, ապա իմաստ չի լինի։ Ավելին, դա կունենա հակառակ ազդեցությունը, քանի որ այսօր իրականությունն այն է, որ հենց ռուսական փողերով է իրականացվում հակառուսական քաղաքականություն։ Միևնույն ժամանակ, ես միանգամայն համաձայն եմ և կարծում եմ, որ Ռուսաստանի ընտրած ուղղությունն ու օրակարգն այսօր ճիշտ են, բայց, կրկնում եմ, շատ կարևոր է կապիտալացնել այդ ամենը և արդյունքի հասնել։
Politnavigator.- Դուք պնդում եք, որ «Ռուսաստանը դադարել է հսկայական գումարներ տալ «էլիտաներին», որոնք ապահով կերպով դրել են այդ փողերը իրենց անտակ գրպանները և ոչ մի արդյունք չեն տվել, ինչպես դա եղել է հետխորհրդային բոլոր երկրներում: Փոխարենը Ռուսաստանը գումար է ներդնում հենց երկրում և նրա ենթակառուցվածքային ծրագրերում, ինչը, անշուշտ, հսկայական գումար է և՛ Հայաստանի, և՛ Ռուսաստանի համար»:
Ինչպիսի՞ն կլինի հենց այն «էլիտայի» արձագանքը, երբ այդ միջոցները այժմ շրջանցում են նրանց։ Հնարավո՞ր են դիվերսիաներ և գործողություններ, որոնք ուղղված կլինեն ռուսական ներդրումների կանխմանը։
Մ.Բ.- Իսկապես, ես պնդում եմ, որ Ռուսաստանը դադարեցրել է ներդրումները վերնախավերի մեջ, որոնք վերցրել են այդ գումարն ու դրել իրենց անտակ գրպանը առանց որևէ արդյունքի։ Ինչ վերաբերում է այն հարցին, թե արդյո՞ք Հայաստանում արձագանք կլինի այդ վերնախավերի կողմից, ապա դա չի կարող որևէ բանի վրա ազդել կամ որոշել։ Ուստի Ռուսաստանի նման պետության տեսանկյունից չարժե ուշադրություն դարձնել նրանց արձագանքին։ Ինչ վերաբերում է դիվերսիաներին, ապա դա քիչ հավանական է։ Եթե խոսում ենք ընդդիմադիր վերնախավի մասին, իսկ հիմա ընդդիմությունն է իբր ռուսամետ, ապա նրանք դա չեն կարող իրենց թույլ տալ։ Դե իսկ եթե եթե համարձակվեն, ուրեմն թող ցույց տան իրենց իրական դեմքը։ Ինչ վերաբերում է իշխանամետ վերնախավերին, ապա նրանք գերազանց ու հրաշալի փող են աշխատում Ռուսաստանում։ Ասենք իշխանության գլխավոր օլիգարխ Խաչատուր Սուքիասյանը։ Նրա FlyOne Armenia LLC ավիաընկերությունը մշտապես ընդլայնում է իր թռիչքների ծրագիրը Ռուսաստանում, և այժմ նրա ինքնաթիռները թռչում են այնտեղ ամեն օր և Մոսկվայի յուրաքանչյուր օդանավակայանից։ Համապատասխանաբար, որքան շատ թռիչքներ՝ այնքան ավելի շատ գումար:
Politnavigator.- Դրան այլընտրանք ի՞նչ է առաջարկում Արևմուտքը՝ ի դեմս Ֆրանսիայի, Մեծ Բրիտանիայի, ԵՄ-ի և ԱՄՆ-ի։ Նորից զիջե՞լ հայկական պապենական տարածքները իրենց հարևաններին:
Մ.Բ.- Արևմուտքը ըստ էության ոչինչ չի առաջարկում։ Արևմուտքը խոսում է «խաղաղության» մասին և իբր պատրաստ է աշխատել դրան հասնելու համար։ Արևմուտքը ձևացնում է, թե ինքը հայամետ է և ինչ-որ տեղ գնում է Ադրբեջանի հետ ինչ-որ կոնֆլիկտի, բայց այս ամենը ինձ թվում է շատ շինծու, անարդյունավետ և պարզապես էժան մանիպուլացիա:
Եթե Արևմուտքում նրանք բոլորն էլ այդքան հայամետ են, ապա ինչո՞ւ, օրինակ, ԱՄՆ-ը դեռևս ոչ մի պատժամիջոց չի կիրառել Ադրբեջանի դեմ։ Ինչո՞ւ Ֆրանսիայի նախագահ Մակրոնը, ով գրեթե հայ է ձևանում, ասաց, որ պատժամիջոցներ պետք չեն։ Ինչո՞ւ այդքան հայամետ Ֆրանսիան չանջատեց 2015 թվականից Ադրբեջանի կողմից օգտագործվող իր արբանյակը, որը, ըստ Իլհամ Ալիևի, հսկայական ներդրում ունեցավ 44-օրյա պատերազմի Բաքվի հաղթանակում։ Որովհետև նրանք բոլորը, բացարձակապես թքած ունեն հայերի վրա, քանի որ նրանք բոլորն ունեն իրենց շահերը: Այս բոլոր խաղացողների առաջնային շահը Ռուսաստանին և Իրանին Հայաստանից և ընդհանուր առմամբ Հարավային Կովկասից դուրս մղելն է։
Նյութը հրապարակման պատրաստեց Կամո Խաչիկյանը
