Ո՞ւմ մոտ ա հակառուսական ֆոն, հայ և ռուս ժողովուրդները բարեկամ ժողովուրդներ են․ Ալեն Սիմոնյան
ՔԱՂԱՔԱԿԱՆՈՒԹՅՈՒՆՀայաստանում ՌԴ դեսպանը հայտարարել է, որ Հայաստանի ու Ռուսաստանի միջև զենքի գործարքի շուրջ նոր բանակցություններ են սկսել, ի՞նչ կասի այս մասով, հարցրին այսօր լրագրողները ԱԺ նախագահ Ալեն Սիմոնյանին։
«Չեմ բացառում»,- կարճ պատասխանեց Սիմոնյանը, բայց չկարողացավ մանրամասն պատմել գործարքի մասին։
«Դա ընդհանուր քննարկում է, որի մեջ բոլոր «խնդիրները» կարող են ներառված լինել։ Սպասեք, տեսնենք՝ ինչ ա, նոր կհասկանանք»,- ասաց ԱԺ նախագահը։
Դիտարկմանը, թե Հայաստանի իշխանությունների կողմից հակառուսական ֆոն կա, բայց մյուս կողմից ՌԴ-ի հետ ռազմատեխնիկական նոր համաձայնագրեր են կնքվում, Սիմոնյանն արձագանքեց․
«Ո՞ւմ մոտ ա հակառուսական ֆոն։ Ես ներողություն եմ խնդրում, բայց կարծում եմ՝ հակառուսականություն բառը սխալ է ասված, որովհետև հայ ժողովուրդը և ռուս ժողովուրդը բարեկամ ժողովուրդներ են, և ժողովուրդների մասին չի կարելի նման բան ասել, և Հայաստանում հակառուսական բան չկա։ Կա հակակրանք էն քաղաքականության, էն քայլերի նկատմամբ, որոնք վերջին տարիների ընթացքում իրականացվել են»։
Մանրամասն՝ տեսանյութում
