Լավրով. Արևմուտքը հասկանում է, որ չի կարող ոչնչացնել Ռուսաստանը որպես անկախ ուժ համաշխարհային հարթակում

Արևմուտքը հասկանում է, որ չի կարող կործանել Ռուսաստանին որպես ինքնուրույն միավոր համաշխարհային ասպարեզում, բայց այդ մասին բացահայտ չեն խոսում՝ ընտրությունների նախօրեին իրենց վարկանիշը կորցնելու մտավախությունից ելնելով, հայտարարել է ՌԴ ԱԳ նախարար Սերգեյ Լավրովը Առաջին ալիքի «Մեծ խաղ» հաղորդման ժամանակ:

Նրա խոսքով, Մոսկվան նախկինում հույս ուներ, որ Արևմուտքը Ռուսաստանի հետ հարաբերություններում ելնում է պրագմատիզմից, և դա արդյունավետ է էներգետիկ ոլորտում, բարձր տեխնոլոգիաների ոլորտում, սարքավորումների մատակարարման ոլորտում։ «Այնուհետև Ռուսաստանի Դաշնությունը որպես դրական գործոն ճանաչեց այդ ժամանակ գոյություն ունեցող Եվրոպայի հետ աճող փոխկախվածությունը և կարծում էր, որ դա ամրապնդում է ընդհանուր անվտանգությունը և նվազեցնում ռազմական հակամարտության հնարավորությունները:

Բայց Արեւմուտքը, ընդհանուր առմամբ, համաձայնեց այս (առճակատմանը) հանուն հիմնական նպատակի, որն այժմ միանգամայն պարզ է՝ ոչնչացնել Ռուսաստանը որպես անկախ գործոն համաշխարհային ասպարեզում։ Հասկանալի է, որ հիմա նրանք գիտակցում են այս նպատակի պատրանքային բնույթը, բայց դա չեն կարող ասել՝ ընտրական փուլերի նախօրեին 180 աստիճանով շրջվելով իրենց ընտրողների առաջ՝ առանց դեմքը կորցնելու և հեղինակությունը կորցնելու վտանգի։ Բայց դա նրանց մեջ խորապես արմատավորված է»,- ասել է Լավրովը:

Նա ընդգծել է, որ Ռուսաստանը պետք է զարգացնի իր ինքնիշխանությունը և ինքնաբավությունը այն ամենում, ինչ անհրաժեշտ է մարտի դաշտում իր անկախությունը պաշտպանելու համար, ինչպես նաև քաղաքացիների առօրյա կյանքում՝ կենցաղային տեխնիկա, տրանսպորտային միջոցներ։