Ինչո՞վ է գրավում Հայաստանը Հնդկաստանից աշխատանքային միգրանտներին
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ Հայաստան Հնդկաստանից աշխատանքային միգրանտների աննախադեպ հոսք է: Միայն այս տարի մոտ 40 հազար մարդ է եկել, ինչը չորս անգամ ավելի է, քան նախորդ տարի։
Դանիշ Կումրեշանն աշխատում է որպես առաքիչ սննդի առաքման ծառայությունում։ Նա ամսական գրեթե 50 հազար ռուբլի է վաստակում։ Դա երեք անգամ ավելի է, քան նա վաստակում էր նրա հայրենի Կոթիհարայում։ «Ունեմ կին և աշակերտուհի աղջիկ։ Նրանք Հայաստան չեն գալու, ես պատրաստվում եմ վերադառնալ նրանց մոտ վեց ամսից», - ասել է նա:
Հնդկաստանից միգրանտների մեծ մասն աշխատում է հանրապետության շինհրապարակներում և տաքսիներում։ Հայաստանը գրավում է այդ օտարերկրացիներին նպաստավոր պայմաններով: Երկրում աշխատանք գտնելը խնդիր չէ, իսկ վարձատրության մակարդակն ավելի բարձր է, քան տանը։
«Արդեն երկրորդ տարին է, ինչ մենք պարզեցնում ենք որոշ ընթացակարգեր։ Եթե նախկինում պետք է նախ աշխատանքի թույլտվություն ստանայիք, ապա կացության թույլտվություն, ապա այժմ այս ամենը կարող եք ստանալ մեկանգամյա էլեկտրոնային տարբերակով։ Գործատուն դիմում է կառավարությանն առաջարկելով այս կամ այն թեկնածուին բաց թափուր աշխատատեղի համար, իսկ պետությունը ստուգում է անձին քրեական դատվածության համար, ուսումնասիրում է փաստաթղթերի ամբողջական փաթեթը և կայացնում վճիռը»,- նշել է Հայաստանի Միգրացիոն ծառայություն հասարակայնության հետ կապերի պատասխանատու Նելլի Դավթյանը։
Հնդիկները Հայաստան են գալիս նաև կրթություն ստանալու նպատակով։ Հիմնականում ընտրում են բժշկական ֆակուլտետները։ «Սա իմ երկրորդ տարին է այստեղ, բայց ես շատ տեղերում եմ եղել: Այստեղ շատ գեղեցիկ է։ Դա գրավում է մեզ: Այստեղ լավ պայմաններ կան նաև սովորելու և աշխատելու համար»,- պատմել է Գլաձորի համալսարանի ուսանողուհի Սանյա Բալամուրայը։
Հոսթելում տեղի համար միգրանտները, կամ ուսանողներն ամսական վճարում են մոտավորապես 11 հազար ռուբլի։ Գրեթե բոլոր ուսանողներն աշխատում են կես դրույքով: Միգրանտներն առավել ակտիվ են մայրաքաղաքի ծայրամասերում: Ոմանք երկար ժամանակով են հաստատվում հանրապետությունում, ստանում կացության թույլտվություն և բացում սեփական բիզնեսը. օրինակ փոքրիկ ռեստորան իր ազգային խոհանոցով։
Նյութը հրապարակման պատրաստեց Կամո Խաչիկյանը
