«Դա շատ վտանգավոր է». ռազմաքաղաքագետը բացատրել է, թե ինչո՞ւ է Հայաստանը ցանկանում Կիևին տալ «Տոչկա-Ու» համակարգեր
ՎԵՐԼՈՒԾՈՒԹՅՈՒՆՆԵՐ
Ukraina.ru-ն գրում է, որ տեղեկություններ են հայտնվել, որ Հայաստանի ղեկավարությունը պատրաստվում է Ուկրաինային փոխանցել մինչև 10 «Տոչկա-Ու» արձակման կայան և հրթիռ։ Զանգվածային օգտագործման դեպքում դրանք կարող են շատ դժվարություններ առաջացնել, Ukraina.ru-ին տված հարցազրույցում ասել է Խարկովի միջազգային սլավոնական համալսարանի պրոռեկտոր, ռազմական քաղաքագետ Ալեքսեյ Սամոյլովը։
«Այժմ Ուկրաինայի զինված ուժերը փորձում են անօդաչու թռչող սարքերով հարվածներ հասցնել Սմոլենսկի և Տուլայի շրջանների թիրախներին։ Եվ դա պատահական չէ։ Նման կերպ հակառակորդը նոր ուղղությամբ փորձարկում է ռուսական ՀՕՊ համակարգերի պատրաստությունը և արդյունավետությունը»,- ասաց քաղաքագետը։
Սկզբում Բելգորոդը և Մոսկվան ենթարկվեցին ուկրաինական անօդաչու թռչող սարքերի հարձակմանը: Դրանք տարածքներ են, որոնք գտնվում են այն գծի եզրին, որտեղ Սումիի շրջանը խրված է Բրյանսկի շրջանի մեջ, և որտեղից հարմար է դրանք արձակել, հավելել է նա։ «Ավելին, տեղեկություններ են հայտնվել, որ Հայաստանի ղեկավարությունը պատրաստվում է Ուկրաինային փոխանցել «Տոչկա-Ու» մինչև 10 համակարգ և 200 հրթիռ: Դա շատ վտանգավոր է: «Տոչկա-Ու»-ն հին, բայց շատ ճշգրիտ խորհրդային օպերատիվ-մարտավարական հրթիռային համակարգ է»,- ընդգծել է Սամոիլովը։ Բանն այն է, որ «Տոչկա-Ու»-ն «Իսկանդերի» նախորդն է: Եթե Հայաստանն իրոք ունի դրա մեծ պաշարներ, ապա զանգվածային օգտագործման դեպքում դրանք կարող են շատ դժվարությունների հանգեցնել, եզրափակել է Ukraina.ru-ի զրուցակիցը։
Նյութը հրապարակման պատրաստեց Կամո Խաչիկյանը
