Քամի, թաց ձյուն․ առաջիկա եղանակի կանխատեսումը

ԱՌԱՋԻԿԱ 5 ՕՐՎԱ ԵՂԱՆԱԿԻ ԿԱՆԽԱՏԵՍՈՒՄ (24-29.11.2023թ.)

Երևան քաղաքում`
Նոյեմբերի 24-ի ցերեկը, 25-ին, 26-ի և 28-ի ցերեկը, 29-ին սպասվում է առանց տեղումների եղանակ։ Նոյեմբերի 26-ի գիշերը և առավոտյան, 27-ին, 28-ի գիշերը սպասվում է անձրև։ Նոյեմբերի 27-ին սպասվում է նաև քամու ուժգնացում մինչև 15-18մ/վրկ արագությամբ։

Հանրապետության տարածքում`
Նոյեմբերի 24-ի ցերեկը, 25-ին, 28-ի ցերեկը, 29-ին սպասվում է առանց տեղումների եղանակ։ Նոյեմբերի 26-ին, 27-ի գիշերը առանձին շրջաններում, 27-ի ցերեկը և 28-ի գիշերը շրջանների մեծ մասում սպասվում են տեղումներ, լեռնային շրջաններում՝ թաց ձյուն։
Քամին՝ հարավարևմտյան 2-5 մ/վ, առանձին վայրերում սպասվում է քամու ուժգնացում 25-26-ին, 28-ին 15-20 մ/վրկ, 27-ին 20-25մ/վրկ արագությամբ:
Օդի ջերմաստիճանը նոյեմբերի 24-25-ին աստիճանաբար կբարձրանա 2-3 աստիճանով, 28-ին կնվազի 7-10 աստիճանով։

Երևան քաղաքի նոյեմբերի  24-ի բազմամյա կլիմայական տվյալներ
Օդի առավելագույն ջերմաստիճան      18.6°C (1995թ.)
Օդի նվազագույն ջերմաստիճան          -5.9°C (1989թ.)
Օդի միջին օրական ջերմաստիճան     6.0°C