ՀԱՊԿ-ի հետ կապված իրավիճակում Հայաստանը Ռուսաստանի Դաշնությանը շանթարգել է դարձնում ղարաբաղյան իրադարձություններից հետո
ՎԵՐԼՈՒԾՈՒԹՅՈՒՆՆԵՐ
Tass.ru–ն գրում է, որ Հայաստանը դե ֆակտո հեռանում է հետխորհրդային տարածքի ինտեգրացիոն կառույցներից, և նրա իշխանություններն այդպիսով փորձում են Լեռնային Ղարաբաղի շուրջ ստեղծված իրավիճակի պատասխանատվությունը գցել Ռուսաստանի վրա։ ՏԱՍՍ-ի հետ զրույցում նման կարծիք է հայտնել ԱՊՀ երկրների ինստիտուտի Կովկասի բաժնի ղեկավար Վլադիմիր Նովիկովը` մեկնաբանելով ՀՀ վարչապետ Նիկոլ Փաշինյանի` հրաժարվելը ՀԱՊԿ առաջիկա գագաթնաժողովին մասնակցելուց, որը տեղի կունենա նոյեմբերի 23-ին Մինսկում։ Ավելի վաղ Հայաստանի Անվտանգության խորհրդի քարտուղար Արմեն Գրիգորյանը չի մասնակցել նոյեմբերի 8-ին Մոսկվայում կայացած ԱՊՀ անդամ երկրների Անվտանգության խորհուրդների քարտուղարների հանդիպմանը, իսկ Փաշինյանը հրաժարվել է հոկտեմբերի 13-ին գնալ Բիշքեք` ԱՊՀ երկրների ղեկավարների գագաթնաժողովին։
«Ամեն ինչ շատ պարզ է, այն, ինչ տեղի է ունենում դե ֆակտո է, քանի որ դե յուրե այդ իրավիճակը դեռ չի սկսվել, որն է` Հայաստանի դուրս գալը հետխորհրդային ինտեգրացիոն կառույցներից, Փաշինյանին հիմա մի տեսակ շանթարգել է պետք Ղարաբաղի աղետից հետո, և նա ուզում է որպես այդպիսի շանթարգել ներկայացնել Ռուսաստանին»,- ասել է Նովիկովը։
Ինքը՝ Փաշինյանը, Բելառուսի նախագահ Ալեքսանդր Լուկաշենկոյի հետ հեռախոսազրույցում զգուշացրել է Մինսկում ՀԱՊԿ խորհրդի նիստին իր բացակայության մասին։ Նա հույս է հայտնել, որ դաշինքի գործընկերները կհասկանան այդ որոշումը։ Նախկինում Փաշինյանը և Հայաստանի ԱԳՆ ներկայացուցիչները բազմիցս հայտարարել են, որ Երևանը ներկայումս չի քննարկում ՀԱՊԿ-ից դուրս գալու հնարավորությունը, սակայն Հայաստանի ներկայացուցիչները վերջին ամիսներին չեն մասնակցել կազմակերպության միջոցառումներին։ Հայաստանը հետ է կանչել նաև ՀԱՊԿ-ում իր դեսպանին և դիվանագիտական առաքելության նոր ղեկավար չի նշանակել։
Նյութը հրապարակման պատրաստեց Կամո Խաչիկյանը
