Ինչու Հայաստանը չի մասնակցում ՀԱՊԿ նիստին. մեկնաբանում է ՀՀ Անվտանգության քարտուղարը
ՔԱՂԱՔԱԿԱՆՈՒԹՅՈՒՆ
ՀՀ Անվտանգության խորհրդի քարտուղար Արմեն Գրիգորյանը Հանրային Հեռուտաընկերության եթերում մեկնաբանել է, թե ինչու Հայսատանը չի մասնակցում ՀԱՊԿ Հավաքական անվտանգության խորհրդի նիստին:
«Հայաստանը սկսած 2020 թվականի պատերազմից հետո, երբ ՀԱՊԿ-ում ասում էին, որ Լեռնայի Ղարաբաղը ՀՀ սուվերեն մաս չէ, մենք չենք կարող այդ հարցերով զբաղվել, չի մասնակցում նիստերի, բայց 2021 թվականի մայիսից, երբ ադրբեջանական զորքերը ներխուժել են ՀՀ սուվերեն տարածք, մենք դիմել ենք ՀԱՊԿ-ին եւ այդ պահից սկսած մինչեւ անցած տարի սեպտեմբերը, երբ որ Ադրբեջանը հարձակվել է Հայաստանի վրա եւ մենք օգնություն ենք խնդրել, չենք ստացել անհրաժեշտ օգնությունը մեր սուվերեն տարածքը պաշտպանելու համար, այդտեղից սկսած մենք բազմաթիվ հարցեր ենք ունեցել ՀԱՊԿ-ին, մինչեւ այժմ մենք չունենք այդ հարցերի պատասխանը եւ սա է նաեւ պատճառը, որ չենք մասնակցում ՀԱՊԿ Հավաքական անվտանգության խորհրդի նիստին»,- ասել է նա:
Հարցին, թե նիտերին չմասնակցելով, արդյոք մենք ստանում ենք մեզ հուզող հարցերի պատասխանները, Գրիգորյանը նշել է, որ նիստերին մասնակցելով, միանշանակ, չենք ունենում պատասխաններ:
ԱԽ քարտուղարը նիստերին չմասնակցելը դեմարշ չի կոչել, սակայն նորից է նշել, որ հարցերի պատասխաններ կան, որոնք չեն ստանում: Նա նաեւ հավելել է, որ ՀԱԿ-ից դուրս գալու հարց օրակարգում չկա:
«Մենք ակնկալում ենք ՀԱՊԿ-ի հետ կապված հարցերի պատասխաններին, որեւէ խնդիր չեմ տեսնում, որ մենք չենք մասնակցում որեւէ միջոցառման ՀԱՊԿ-ի շրջանակներում»,- ասել է նա:
Նշենք, որ ավելի վաղ հայտնել էինք, որ Նիկոլ Փաշինյանը չի մասնակցի ՀԱՊԿ նիստին:
