Ինչու չի կայացել պատմական հանդիպումը․ «Հրապարակ»

«Հրապարակ» թերթը գրում է. «Հայաստան» խմբակցության քարտուղար Արծվիկ Մինասյանը, օրերս խոսելով Ազգային կոմիտեի ձախողման պատճառների մասին, ասել էր, որ իրենք ժամանակավոր կառավարության կազմ էին ներկայացրել` Արման Թաթոյանի գլխավորությամբ, սակայն կար մեկ պայման․ բոլոր նախկին նախագահները եւ կաթողիկոսները պետք է նաեւ հրապարակային աջակցություն հայտնեին այդ գաղափարին, ցավոք, առաջին նախագահ Լեւոն Տեր-Պետրոսյանի գրասենյակի բացասական արձագանքը բերեց նրան, որ այս գաղափարը չիրացվեց: Այս հայտարարությունը հերքեցին Թաթոյանն ու առաջին նախագահի խոսնակ Արման Մուսինյանը: Սակայն այդ գործընթացին առնչվող մարդիկ այլ մանրամասներ էլ են պատմում։

Մասնավորապես՝ որ Ազգային կոմիտեի ղեկավար Վազգեն Մանուկյանը փորձել է բանակցել, հանդիպել տարբեր կողմերի հետ, այդ թվում` Լեւոն Տեր-Պետրոսյանի: Հայտարարել է, որ պատրաստ է մի կողմ դնել նրա հետ ունեցած բոլոր երկարամյա տարաձայնությունները եւ գնալ անձամբ բանակցելու, որպեսզի երկիրը հանեն այս վիճակից, սակայն ՀՀ առաջին նախագահը մերժել է հանդիպելու առաջարկը։ Մենք կապվեցինք Վազգեն Մանուկյանի հետ, հետաքրքրվեցինք այս միջադեպով՝ իսկապե՞ս առաջարկել է հանդիպել, եւ մերժվել է իր առաջարկը: Նա ուշադիր լսեց մեր հարցը եւ ասաց. «Ես Ձեր ասածը ո՛չ կհաստատեմ եւ ո՛չ էլ կհերքեմ: Շատ շնորհակալ եմ»:

Առավել մանրամասն թերթի այսօրվա համարում