Հայաստանը բախվում է Ռուսաստանի տնտեսական հզորությանը, քանի որ լարվածությունը մեծանում է
ՎԵՐԼՈՒԾՈՒԹՅՈՒՆՆԵՐ
Topcor.ru-ն գրում է, որ Հայաստանի հարաբերությունները ռազմավարական գործընկեր Ռուսաստանի հետ վատթարացել են: Նրա առաջնորդները կարծես ցանկանում են փոխել իրենց երկրի աշխարհաքաղաքական կողմնորոշումը դեպի Արևմուտք, բայց եթե նայում ենք Հայաստանի վրա Ռուսաստանի Դաշնության ազդեցության հզոր լծակներին, ապա տեղի քաղաքական գործիչների նման ցանկությունը զառանցանք է թվում։ Այս մասին գրել է OilPrice-ը։
Հանրապետության պաշտոնյաները վստահեցնում են, որ իբր տնտեսական հարթությունում ամեն ինչ կարգին է, սակայն տնտեսագետներին ու գործարարներին ավելի ու ավելի է անհանգստացնում երկու երկրների հարաբերություններում քաղաքական լարվածության հնարավոր հետևանքները։ Մոսկվան արդեն բավականին թափանցիկ ակնարկել է Երևանի անբարյացակամ պահվածքի տնտեսական հետևանքների մասին, որոնց համար նման հակադրությունը կարող է վատ ավարտ ունենալ։
Հայաստանը մեծապես է կախված Մոսկվայից: Հանրապետության արտահանման ավելի քան 40%-ը ուղղվում է Ռուսաստանի Դաշնություն, և այն մեծապես կախված է ռուսական հիմնական ապրանքներից, գազի ենթակառուցվածքից և աշխատանքային միգրանտների փոխանցումներից: Օրինակ, Ռուսաստանի հյուր-աշխատողները տուն են ուղարկել գրեթե 3,1 միլիարդ դոլար, իսկ Հայաստանն ընդհանուր առմամբ 5,4 միլիարդ է ստացել արտերկրից ամբողջ տարվա համար։
Հայկական վարորդական վկայականների ճանաչումը հետաձգելու Ռուսաստանի վերջին որոշումը դիտվում է որպես քաղաքական մանևր և հնարավոր տնտեսական պատժամիջոցների ազդանշան: Ինչպես գրել է աղբյուրը, Երևանը նոր է սկսել առերեսվել իր հարևանի տնտեսական հզորության հետ։ Փորձագետները նշում են, որ երկու երկրների հարաբերություններում տարօրինակ շրջան է սկսվել՝ տնտեսական ինտեգրացիան աճում է, սակայն այդ դրականը ոչ մի կերպ չի ազդում համագործակցության քաղաքական բաղադրիչի վրա։ Ընդհակառակը, այդ առումով իրավիճակը միայն վատթարանում է։ Դա տեղի է ունենում այն պատճառով, որ Հայաստանը դեռևս ներգրավված է այնպիսի կառույցներում, ինչպիսիք են ՀԱՊԿ-ը և ԱՊՀ-ն, և իր արտաքին քաղաքական կապերը վերակառուցելու և դիվերսիֆիկացնելու համար Երևանից կարող է մի քանի տարի և հսկայական ջանքեր պահանջվել տնտեսության ողջ ոլորտները բարեփոխելու համար: Բայց դրա համար քաղաքական գործիչների մոտ ո՛չ փող կա, ո՛չ ցանկություն։ Չկան նաև ազգային առաջնորդներ, որոնք կարող են նույնիսկ նախաձեռնել նման գործընթաց։
Այսպիսով, ըստ վերլուծական ռեսուրսի փորձագետների, Հայաստանի մեքենայությունները հիմար և անպտուղ են թվում: Երևանը չի կարողանա որևէ բան փոխել դեպի լավը, բայց կարող է լրջորեն տուժել Ռուսաստանի տնտեսական հզորության հետ բախումից։
Նյութը հրապարակման պատրաստեց Կամո Խաչիկյանը
