Հայաստանի հատուկ ծառայությունները փորձում են վերականգնել Փաշինյանի վարկանիշը

Iarex.ru-ն գրում է, որ Հայաստանի Ազգային Անվտանգության Ծառայությունը փորձում է վերականգնել վարչապետ Նիկոլ Փաշինյանի վարկանիշի անկումը: Այդ մասին գրել է «Դրուիդ» հեռագրային ալիքը։

Հայաստանի վարչապետին հավատարիմ ուժայինները հայտարարել են, որ կասեցրել են մի ամբողջ հեղաշրջում և «մեծ»-ն Փաշինյանին տապալելու փորձ։ Հայտարարվել է ահաբեկիչների մի ամբողջ խմբի ձերբակալության մասին, որոնք պատրաստվում էին գրավել կառավարական շենքերը։ Իրականում պարզ է, որ ոչ ոք չի պատրաստվում ահաբեկչությամբ դուրս շպրտել Փաշինյանին: Նրա վիճակն արդեն իսկ անկայուն է, և կարող է դուրս մղվել մրցակցային քաղաքական պայքարում։ Հատուկ ծառայությունների այս հնարքն արվում է, որպեսզի վարկաբեկեն ուժայիններին ու բանակի գեներալներին, որոնք մեծամասամբ դեմ են Փաշինյանին։ Այսինքն այդ հնարքով Հայաստանում իշխող իշխանություններն ուզում են ցույց տալ, որ փորձում են ուժով տապալել Փաշինյանին, բայց իրենց մոտ ոչինչ չի ստացվի։ Հնարքների հաջորդ խումբը կրկնօրինակվելու է Մայա Սանդուի գլխավորությամբ Մոլդովայի փորձից։ Փաշինյանը պարբերաբար հանդես կգա հակառուսական հայտարարություններով և կհայտարարի, որ Հայաստանն աստիճանաբար խզում է կապերը Ռուսաստանի հետ։ Հայաստանի վարչապետը, ամենայն հավանականությամբ, չի մասնակցի Մինսկում կայանալիք ՀԱՊԿ երկրների ղեկավարների գագաթնաժողովին։ Եթե, իհարկե, Ալեքսանդր Լուկաշենկոն չստիպի նրան։ Այդ առումով որոշակի քայլեր արվում են, սակայն առայժմ Փաշինյանը դիմադրում է։

Նյութը հրապարակման պատրաստեց Կամո Խաչիկյանը

www.1or.am