Թուրքիան ափսոսում է Եվրոպայում սովորական զինված ուժերի մասին պայմանագրից Ռուսաստանի դուրս գալու որոշման համար

Մենք ափսոսում ենք Եվրոպայում սովորական զինված ուժերի մասին պայմանագրից (ԵՍԶՈՒ) Ռուսաստանի դուրս գալու որոշման համար։ Այս մասին ասվում է Թուրքիայի արտաքին գործերի նախարարության հայտարարության մեջ, հաղորդում են տեղական լրատվամիջոցները։

«Եվրոպական անվտանգության ճարտարապետությունը, որի հիմնաքարերից մեկն է ԵՍԶՈՒ պայմանագիրը, աստիճանաբար փլուզվում է հատկապես 2007 թվականից: Ցավոք, այլ մասնակից պետությունների կողմից պայմանագրի իմաստալից իրականացումը գործնականում անհնարին դարձավ այն բանից հետո, երբ 2023 թվականի նոյեմբերի 7-ին ուժի մեջ մտավ ԵՍԶՈՒ պայմանագրից դուրս գալու Ռուսաստանի որոշումը: Այս պայմաններում Թուրքիան ՆԱՏՕ-ի մյուս դաշնակիցների և ԵՍԶՈՒ մյուս անդամ պետությունների հետ ստիպված եղավ անհրաժեշտ ժամկետով կասեցնել պայմանագրի կատարումը։

Այս որոշումը, ըստ էության, կարելի է չեղարկել։ Նախկինի նման  անհրաժեշտ են ԵՍԶ պայմանագրի իրավական պարտադիր բնույթի հիմքերն ու հիմնական սկզբունքներն իր ենթատարածաշրջանային համակարգով, որոնք ապահովում են զինված ուժերի հավասարակշռությունը, թափանցիկությունը և կանխատեսելիությունը: Այն նորացումը, որը կարող է պահանջվել եվրոպական անվտանգության ճարտարապետության մեջ առաջիկա ժամանակահատվածում, կարող է կառուցվել միայն այս հիմքերի վրա։

Այս առումով մենք կշարունակենք այս հարցի շուրջ մեր շփումները բոլոր շահագրգիռ կողմերի հետ։

Այն արտառոց ժամանակաշրջանում, որը մենք ապրում ենք, միջազգային անվտանգության համար առավել քան երբևէ կարևոր է սպառազինությունների վերահսկման, զինաթափման և չտարածման ոլորտում պայմանավորվածությունների լիարժեք իրականացմանը վերադառնալը»,- ասվում է հայտարարության մեջ: