AP. Բայդենն Իսրայելին իր պաշտպանությամբ քայլում է ճոպանի վրայով
ՔԱՂԱՔԱԿԱՆՈՒԹՅՈՒՆ
ԱՄՆ նախագահ Ջո Բայդենը հանգստյան օրերին դեմոկրատ դոնորների ամբոխին պատմել է վարչապետ Բենիամին Նաթանյահուի հետ տասնամյա վաղեմության լուսանկարի մասին, որով, թերևս, նպատակ է ունեցել ցուցադրել Իսրայելին իր երկարամյա աջակցությունը և պահպանողական Իսրայելի առաջնորդի հետ անկեղծ զրույցների ծառայական ցուցակը, գրում է AP-ն։
Ուրբաթ երեկոյան դրամահավաքի ժամանակ նա դոնորներին ասել է, որ Նաթանյահուն դեռևս պահում է լուսանկարը իր գրասեղանի վրա և վերցրել է այն անցյալ շաբաթ Բայդենի՝ Թել Ավիվ կատարած կայծակնային այցի ժամանակ:
«Մինչ աճում են ակնկալիքները, որ Իսրայելը շուտով կսկսի ցամաքային հարձակումը՝ ուղղված Գազայի հատվածը կառավարող ՀԱՄԱՍ-ի գրոհայիններին արմատախիլ անելուն, Բայդենը կրկին բախվում է Մերձավոր Արևելքում Ամերիկայի ամենամոտ դաշնակցին լիակատար աջակցություն ցուցաբերելու և միաժամանակ իսրայելցիներին ստիպելու զուսպ գործելու փորձերի միջև դժվարին հավասարակշռություն պահպանելուն»,- ընդգծում է գործակալությունը։
Բայդենը բառացիորեն և փոխաբերական առումով իր գիրկն առավ Նաթանյահուին հոկտեմբերի 7-ի ՀԱՄԱՍ-ի հարձակումներից հետո: Նա բազմիցս խոստացել է աջակցել Իսրայելին, քանի որ նրա նպատակն է ոչնչացնել գրոհայինների խմբավորումը, որը վերահսկում է Գազայի հատվածը և դաժան հարձակումներ է իրականացրել, որոնց հետևանքով զոհվել է 1400 իսրայելցի, և ավելի քան 200-ը գերի է ընկել։
Բայց նա միաժամանակ ավելի ու ավելի է կենտրոնացնում հասարակության ուշադրությունը պաղեստինցիների ծանր վիճակի և Իսրայելի կոշտ պատասխանի հնարավոր հետևանքների վրա:
Ինչպես նշում է AP-ն, Սպիտակ տան պաշտոնյաները պնդում են, որ Բայդենը «կոշտ» հարցեր է տվել Նաթանյահուին նրա ռազմավարության և ապագա գործողությունների վերաբերյալ անցյալ շաբաթ Թել Ավիվ կատարած այցի ժամանակ։ Ինքը՝ Բայդենը, Իսրայելից վերադառնալիս լրագրողներին ասել է, որ «երկար զրույց» է ունեցել իսրայելցի պաշտոնյաների հետ «այն մասին, թե որոնք են այլընտրանքները» հնարավոր ընդլայնված ցամաքային գործողության համար։ Այս հարցի շուրջ Իսրայելի հետ խորհրդակցել են նաև ԱՄՆ պաշտպանության նախարարության պաշտոնյաները:
«Հավասարակշռված մոտեցման համար Բայդենը ճնշման է ենթարկվում Եգիպտոսի, Իրաքի, Հորդանանի և նրա սահմաններից դուրս արաբ առաջնորդների կողմից, որոնք զանգվածային բողոքի ցույցեր են տեսել իրենց մայրաքաղաքներում Գազայի ճգնաժամի պատճառով: Ճնշումը գալիս է նաև եվրոպացի պաշտոնյաներից, որոնք սարսափով են արտահայտել իսրայելական հողի վրա վերջին տասնամյակների ամենադաժան հարձակման կապակցությամբ, բայց նաև ընդգծել են, որ իսրայելցիները պետք է հարգեն միջազգային և մարդասիրական իրավունքը: Բայդենը նաև ենթարկվում է իր դեմոկրատական կուսակցության երիտասարդ, ավելի ազատական թևի հսկողությանը, որոնք ավելի բաժանված են իսրայելա-պաղեստինյան հարցում, քան կուսակցության կենտրոնամետ և տարեց առաջնորդները»,- գրում է The Associated Press-ը:
