Ֆրանսիան պատրաստվում է «ավարտել կոնկրետ գործառնական միջոցառումները» Հայաստանի հետ
ՎԵՐԼՈՒԾՈՒԹՅՈՒՆՆԵՐ
Ֆրանսիական news.dayfr.com հրատարակությունը գրում է, որ Ադրբեջանի նախագահ Իլհամ Ալիևը հոկտեմբերի 15-ին նախկին Արցախի Հանրապետության մայրաքաղաք Ստեփանակերտում բարձրացրել է իր երկրի դրոշը։ Բաքվի կողմից մի քանի ամիս շրջափակումից հետո այս տարածքը մաքրվել է հայ բնակչությունից։
Հարցն այժմ այն է, թե արդյո՞ք նախագահ Ալիևը կբավարարվի այդ նվաճմամբ... Իրոք, կան կասկածներ, որ Ադրբեջանը ցանկանում է օգտվել իր ռազմական առավելությունից Հայաստանի տարածքով «Զանգեզուրի միջանցք» ստեղծելու հարցում, կամ նույնիսկ ներխուժել Հայաստան։
Ամեն դեպքում, ըստ Politico-ի, ամերիկյան դիվանագիտության ղեկավար Անտոնի Բլինկենը մի քանի պատգամավորների գաղտնի ասել է, որ իր ծառայությունները քննարկում են մոտ ապագայում Հայաստան ադրբեջանական ներխուժման վարկածը։
Նյու Ջերսիի դեմոկրատ պատգամավոր Ֆրենկ Փալոնը, ով մասնակցել է այդ հատուկ հանդիպմանը, հրապարակայնորեն է մտահոգություն հայտնել: «Ալիևն առաջ է շարժվում դեպի հարավային Հայաստանը գրավելու իր նպատակը»,- գրել է նա Twitter-ում։ Նա ընդգծել է, որ նրա ռեժիմը «համարձակ է դարձել Լեռնային Ղարաբաղի նկատմամբ վերահսկողություն հաստատելուց ոչ մի հետևանք չկրելուց հետո»։
Բլինկենն ասել է, որ դիտարկում է «Ազատության աջակցության մասին» օրենքը չերկարաձգելու հարցը, որը թույլ է տալիս Միացյալ Նահանգներին ռազմական օգնություն տրամադրել Բաքվին 2002 թվականից չնայած Երևանի հետ տարածքային վեճերին, հաղորդել է Politico-ն:
Միևնույն ժամանակ, այդ հարցը զգայուն է ամերիկյան դիվանագիտության համար, որը ձգտում է մեղմացնել Ադրբեջանի մերձավոր դաշնակից Թուրքիային, որպեսզի ստանա նրա համաձայնությունը Շվեդիայի ՆԱՏՕ-ին անդամակցելու հարցում։
Իր հերթին, երբ Լեռնային Ղարաբաղը հարաբերական համընդհանուր անտարբերության ֆոնին նվաճվեց Ադրբեջանի կողմից, Հայաստանն ունի իր ընկերները... Եվ Ֆրանսիան նրանցից մեկն է։
Հոկտեմբերի 3-ին Երևան կատարած այցի ժամանակ Ֆրանսիայի արտգործնախարար Քեթրին Կոլոննան ասել է, որ Փարիզը «համաձայնել է ապագա պայմանագրերի կնքմանը։ [...] Դա թույլ կտա ռազմական տեխնիկա մատակարարել Հայաստան, որպեսզի նա կարողանա ապահովել իր պաշտպանությունը»։ Նա վստահեցրել է, որ դա կարվի «երկու կողմերի պատասխանատվության ոգով և առանց որևէ սրացման ոգու»:
Ակնհայտ է, որ Ֆրանսիայի դիրքորոշումը մտահոգության տեղիք է տալիս: «Բացվել է մշտական պաշտպանական առաքելություն, և մեր ռազմական կցորդը՝ փորձառու փոխգնդապետը, ով ենթարկվում է հարձակման տեղեկատվական դաշտում», - ասել է Զինված ուժերի նախարար Սեբաստիեն Լեկորնուն Սենատի լսումների ժամանակ: բացի դա նա ասել է, որ «շատ ուշադրությամբ» հետևում է հայկական հարցին և «վստահելի հարաբերություններ» է հաստատել իր հայ գործընկեր Սուրեն Պապիկյանի հետ։ «Պետության ղեկավարը հասկացրել է, որ մեր օրակարգը կարող է պտտվել զենքի վաճառքի շուրջ։ Ես ավելին չեմ ասի ճնշումներից խուսափելու համար, սակայն որոշ զենքեր կարող են լինել խիստ պաշտպանական և, առաջին հերթին, օգտագործել կյանքեր պաշտպանելու և անվտանգություն ապահովելու համար,- շարունակել է Լեկորնուն,- ես կապի մեջ եմ Հայաստանի պաշտպանության նախարարի հետ օպերատիվ և կոնկրետ միջոցառումները վերջնական տեսքի բերելու համար։ Ֆրանսիան հավատարիմ է Հայաստանին»:
Արդյո՞ք սա նշանակում է, որ ֆրանսիական զորքերը կմասնակցեն զորավարժությունների Հայաստանում։
Նյութը հրապարակման պատրաստեց Կամո Խաչիկյանը
