ՀԱՊԿ-ը քննարկել է զինծառայողների համատեղ պատրաստման հարցը

Հավաքական անվտանգության պայմանագրի կազմակերպության (ՀԱՊԿ) անդամ երկրների ներկայացուցիչները քննարկել են զինծառայողների  համատեղ պատրաստության կատարելագործման հարցը։ Այս մասին հայտարարել է ՀԱՊԿ միացյալ շտաբի մամուլի քարտուղար Վլադիսլավ Շչեգրիկովիչը։

Հոկտեմբերի 4- 6-ը Բելառուսում կայացել է ՀԱՊԿ պաշտպանության նախարարության ղեկավարների խորհրդին կից աշխատանքային խմբի նիստը, որը համակարգում է զինվորական անձնակազմի և գիտական ​​աշխատանքների համատեղ պատրաստումը։ 

Միջոցառմանը մասնակցել են  ՀԱՊԿ անդամ երկրների պաշտպանության նախարարությունների ռազմական կրթության կառավարման մարմինների ղեկավարները, ինչպես նաև միավորման անդամ երկրների կրթական, մեթոդական և հետազոտական ​​կազմակերպությունների ներկայացուցիչները։

Ներկա դրությամբ  կազմակերպության անդամ երկրների 12 ռազմաուսումնական հաստատություններ ստացել են ՀԱՊԿ հիմնարար ուսումնամեթոդական կազմակերպությունների կարգավիճակ, որոնք վերապատրաստում են իրականացնում հետևյալ մասնագիտություններով՝ համազորային պատրաստություն, հակաօդային պաշտպանություն, հրթիռային ուժեր և հրետանի, զորքերի  հակաօդային պաշտպանություն, կապ, նյութատեխնիկական ապահովում, տեղեկատվական անվտանգություն, էլեկտրոնային պայքար, ՀԱՊԿ խաղաղապահ ուժերի անձնակազմի վերապատրաստում,  ականազերծում, բժշկական և դեղագործական մասնագիտություններ, ինչպես նաև կազմակերպության անդամ երկրների ազգային անվտանգության և պաշտպանունակության ապահովման համար պատասխանատու կադրերի պատրաստում»: