Մոսկվայում առաջարկել են օգնել Փաշինյանին տապալելու համար
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ Մոսկվան ոչ միայն պետք է դատապարտի Հայաստանի վարչապետ Նիկոլ Փաշինյանին, այլ նաև աջակցի նրա տապալմանը: Այդ մասին «Կոմսոմոլսկայա պրավդա» ռադիոկայանի եթերում հայտարարել է Ռուսաստանի Դաշնության կառավարությանն առընթեր ֆինանսական համալսարանի դոցենտ Գևորգ Միրզայանը։ «Ռուսաստանը ճիշտ քայլ արեց ԱԳՆ-ից շատ կոշտ հայտարարություն տարածելով Փաշինյանի վերաբերյալ, և ցույց տվեց, որ չի աջակցում նրան։ Իսկ հայության մի զգալի հատվածի մոտ հավատ կար, որ Մոսկվան մինչև վերջ կկանգնի Փաշինյանի թիկունքին, և որ Մոսկվան նորից ինչ-որ կերպ համաձայնության կգա Փաշինյանի հետ։ Ապագայում Ռուսաստանը պետք է աջակցի Հայաստանի ներսում Փաշինյանի տապալումը քարոզող ուժերին և ցուցադրաբար աջակցի նրանց։ Իհարկե, գոռալու են, թե Ռուսաստանը խառնվում է Հայաստանի ներքին գործերին, և այլն, բայց թող բղավեն։ Որովհետև մեր «մենք չենք խառնվում մեր հարևանների գործերին» մարտավարությունը արատավոր պրակտիկա է»,- ասել է Միրզայանը։
Նա ընդգծել է, որ եթե Երևանը չի ցանկանում պայքարել իր տարածքների համար, ապա ՀԱՊԿ մյուս երկրները ևս պարտավոր չեն դա անեն։ «Եթե Ադրբեջանը հարձակվի, ապա դա կլինի 2021 թվականի պես՝ ոչ մի մոբիլիզացիա, ոչ մի բան։ Փաշինյանը պաշտոնական դիմում կուղարկի ՀԱՊԿ-ին օգնության խնդրանքով, մինչդեռ ինքը ոչինչ չի անում, ակնկալելով, որ Մոսկվան կարձագանքի ճիշտ այնպես, ինչպես արձագանքեց 2021 թվականին։ Բայց եթե Փաշինյանը չի ուզում պայքարել իր տարածքի համար, ինչու՞ պետք է դա ուրիշն անի։ Հուսով եմ, որ Մոսկվան դեռ կօգնի տապալել Փաշինյանին և կարգավորել խնդիրները»,- հավելել է փորձագետը։
Նյութը հրապարակման պատրաստեց Կամո Խաչիկյանը
