«Ղարաբաղն այլևս չկա. մնացել են հարցեր»
ՎԵՐԼՈՒԾՈՒԹՅՈՒՆՆԵՐ
Gorod-812.ru-ն գրում է, որ Լեռնային Ղարաբաղի ղեկավար Սամվել Շահրամանյանը հրամանագիր է ստորագրել 2024 թվականի հունվարի 1-ից Լեռնային Ղարաբաղի Հանրապետության (ԼՂՀ) գոյությունը դադարեցնելու մասին։ Սեպտեմբերի 24-ին Բաքվում ստեղծվել է կառավարության հատուկ աշխատանքային խումբ քննարկելու Լեռնային Ղարաբաղի և այնտեղ բնակվող էթնիկ հայերի Ադրբեջանի հետ ինտեգրման հումանիտար, տնտեսական և սոցիալական ասպեկտները, բայց հայերը հիմնականում լքում են տարածաշրջանը:
Այդ առումով կա միայն երկու հռետորական հարց՝ ընթացիկ և «հավերժական»։
1) Արդյո՞ք պետք էր ՀՀ վարչապետ Նիկոլ Փաշինյանին բազմիցս սրել հարաբերությունները Կրեմլի հետ և փորձել վերակողմնորոշվել դեպի ԱՄՆ և ԵՄ հաշվի առնելով այն, որ Մոսկվան ունի դիվանագիտական ազդեցության լծակներ Ադրբեջանի վրա, իսկ Արևմուտքը՝ գոնե Ղարաբաղի հարցում չունի:
2) Ի՞նչն է ավելի լավ մարդկանց և ազգերի համար. ցանկացած գնով «ՄԱԿ-ի անդամ երկրների տարածքային ամբողջականության» սկզբունքին անվերապահ հավատարմությունը, որը ներառում է պատերազմներ, ինչպես նաև «անջատողականների» վտարումներ, տեղահանումներ և ցեղասպանություններ, թե՞ տարածաշրջանների (մշակութային-պատմական արմատներ ունեցող տարածքային համայնքների) հանրաքվեների միջոցով միակողմանի անջատվելու իրավունքի միջազգային ճանաչումը։
Հարցերը, կրկնեմ, իմ կարծիքով հռետորական են։ Բայց, ավաղ, դրանից ոչ մի կերպ թեթևություն չես զգում...
Նյութը հրապարակման պատրաստեց Կամո Խաչիկյանը
