Պեկինում կայացել է ՀԱՊԿ, ՇՀԿ և ԱՊՀ երկրների ղեկավարների հանդիպումը
ՔԱՂԱՔԱԿԱՆՈՒԹՅՈՒՆ
Պեկինում տեղի է ունեցել ՀԱՊԿ (Հավաքական անվտանգության պայմանագրի կազմակերպություն), ԱՊՀ և ՇՀԿ բարձրաստիճան ադմինիստրատիվ պաշտոնյաների աշխատանքային հանդիպումը, որի ընթացքում նրանք կիսվել են իրենց պատասխանատվության գոտում անվտանգության և կայունության իրավիճակի վերաբերյալ իրենց գնահատականներով, հայտնում է ՌԻԱ Նովոստին՝ վկայակոչելով ՀԱՊԿ մամուլի ծառայությունը:
«Պեկինում աշխատանքային հանդիպում է կայացել ՀԱՊԿ գլխավոր քարտուղար Իմանգալի Թասմագամբետովի, Շանհայի համագործակցության կազմակերպության գլխավոր քարտուղար Չժան Մինգի և ԱՊՀ գլխավոր քարտուղարի տեղակալ Իլխոմ Նեմատովի միջև։ Հանդիպման ընթացքում եվրասիական երեք առաջատար տարածաշրջանային կազմակերպությունների վարչական բարձրաստիճան պաշտոնյաները կիսվել են իրենց պատասխանատվության գոտում անվտանգության և կայունության ոլորտում իրավիճակի վերաբերյալ իրենց գնահատականներով»,- հայտնում է ՀԱՊԿ մամուլի ծառայությունը։
Առանձնահատուկ ուշադրություն է դարձվել ահաբեկչության և ծայրահեղականության, թմրամիջոցների ապօրինի շրջանառության, միջսահմանային հանցագործությունների դեմ պայքարում փոխգործակցությանը, ինչպես նաև երեք կազմակերպությունների տեղեկատվական և կանխատեսող կառույցների միջև առավել ակտիվ փոխգործակցության զարգացմանը, նշել են ՀԱՊԿ-ում։
