Հայաստանում զբոսաշրջիկների համար բացվել է պանրային գաստրոտուն
ՎԵՐԼՈՒԾՈՒԹՅՈՒՆՆԵՐ
Mir24.tv–ն գրում է, որ Հայաստանում աջակցում են տեղական տուրիզմի զարգացմանը մասնակցող այն ֆերմերներին, ովքեր գաստրոնոմիական բակեր են ստեղծում։ Դրանցից մեկը բացվել է Վայոց ձորի մարզի Ելփին գյուղում։ Հյուրերը այնտեղ կարող են տեսնել տեղական պանիրների պատրաստման գործընթացը և համտեսել դրանք: Այդ ամենից տեղեկացել է MIR 24-ի թղթակից Իրինա Մկրտչյանը։
Պանրի առաջին տաղավարի բացումը մեծ իրադարձություն է տարածաշրջանում։ Այժմ այն կդառնա զբոսաշրջային երթուղու նոր կետ։ Հասարակական կազմակերպությունն է օգնել տեղի պանրագործներին ծրագրի իրականացման գործում: «Ծրագրի նպատակն է բարելավել գյուղաբնակների կենսապայմանները և ավելացնել նրանց եկամուտները: Եվ նաև կազմակերպել զբոսաշրջության կայուն զարգացումը։ Մենք աշխատում ենք Հայաստանի չորս մարզերում, հինգ ֆերմերներ արդեն ստացել են ֆինանսական աջակցություն»,- ասել է ՀԿ ծրագրերի համակարգող Ալլա Ղազարյանը։
Տուրօպերատորներն առաջինն են համտեսում տեղական պանիրը։ Պարզ տեսակներից մինչև պրեմիում սորտեր ընկույզով, հնեցված գինու կամ կոնյակի մեջ։ «Զբոսաշրջությունը հզոր ուժ է, որը լոկոմոտիվի նման իր հետ քաշում է տնտեսության մյուս ճյուղերին։ Այստեղ կարևոր դեր է խաղում բարձրորակ պանրի պահանջարկի ձևավորումը։ Դա խթան կհանդիսանա պանրի արտադրությունն ավելացնելու համար»,- ասել է Հայաստանի զբոսաշրջության ֆեդերացիայի նախագահ Մեխակ Ապրեսյանը։
Գյուղական էկզոտիկիզմի սիրահարներին այստեղ ոչ միայն բնական մթերք կհյուրասիրեն, այլ նաև շրջայց կանցկացնեն պանրի գործարանում։ Նրանց կպատմեն, թե ինչպես ամեն ինչ սկսվեց թթու պանրի արտադրությունից։ Բայց դա մեծ եկամուտ չի բերել։
«Մենք ունեինք մեր ֆերման 80 կով, բայց կաթը քիչ էր, և սկսեցինք կաթ գնել գյուղացիներից։ Հետո որոշեցին թանկարժեք պանիր արտադրել։ Դրա արտադրության համար անհրաժեշտ է միայն բարձրորակ կաթ։ Ամբողջ հումքը ստուգում ենք լաբորատորիայում»,- ասել է գլխավոր տեխնոլոգ Լիդա Մկրտչյանը։
Պանրի գործարանում առայժմ երեք տասնյակ մարդ է աշխատում, բոլորը տեղացի են: Նախատեսվում է ընդլայնել արտադրությունը, ստեղծել նոր աշխատատեղեր, սկսել այլ կաթնամթերքի արտադրություն՝ կաթնաշոռ, թթվասեր, մածուն և մայոնեզ։ Ֆերմերների աջակցության այդ ծրագիրը կգործի մինչև 2029 թվականը:
Նյութը հրապարակման պատրաստեց Կամո Խաչիկյանը
