ՊԱՏՄՈՒԹՅԱՆ ԱՅՍ ՕՐԸ ( 29 օգոստոս)

ՈՐՈՇ ՏՈՆԵՐ- Միջուկային փորձարկումների դեմ գործողությունների միջազգային օր, Սլովակիա՝ Սլովակյան ազգային ապստամբության տարելիցի օր, Ռուսաստան՝ Ռուսաստանի ՆԳ-ի հատուկ նշանակության ուժերի օր:

ՀԱՅԱՍՏԱՆՈՒՄ

886- վախճանվել է Բյուզանդիայի հայազգի կայսր Բարսեղ Ա-ն:
1827 – ռուս-պարսկական պատերազմի (1826—1828)  ժամանակ տեղի է ունեցել Օշականի (Աշտարակի) ճակատամարտը պարսկական գահի ժառանգորդ Աբբաս-Միրզայի զորքի և գեներալ-լեյտենանտ Աֆանասի Կրասովսկու ջոկատի միջև:
1897 – ծնվել է խորհրդային շրջանի հայ նկարիչ Լևոն Գենչը (Գենչղլյան):
1899 – ծնվել է բեմանկարիչ և քանդակագործ Ստեփան Թարյանը (Թարխարարյան):
1938 – ԽՍՀՄ-ում մտցվել է ԲՈՒՀ-երում հեռակա սովորելու օրենք:
1951 – ծնվել է դերասան Հարություն Մովսիսյանը:
1953- վախճանվել է դերասան և ռեժիսոր Տիգրան Շամիրխանյանը:
1965 – ծնվել է պետական գործիչ, Եվրասիական տնտեսական հանձնաժողովի Կոլեգիայի անդամ նախարար Կարինե  Մինասյանը։
1968 – Երևանում կայացել է Սերգեյ Փարաջանովի «Նռան գույնը» ֆիլմի պրեմիերան։
1990 - Երևանում սպանվել են  առաջին կամավորական ջոկատների կազմակերպիչներ, հետմահու Հայաստանի ազգային հերոսներ դարձած ազատամարտիկ Գեղազնիկ Միքայելյանը՝ Չաուշը, և Վիտյա Այվազյանը։
2002- ընդդիմադիր կուսակցությունների  գրեթե մեկ շաբաթ տևած բանակցություններն ավարտվել են, և ըստ ՀԺԿ-ի գրասենյակի հայտարարության 14 կուսակցությունների ղեկավար ներկայացուցիչները վերջնական համաձայնության են եկել:
2007- պաշտոնապես հաստատվել է խոզերի «աֆրիկյան ժանտախտի» առկայությունը Հայաստանում:
2018- Ֆրեզնոյում բացվել է Վիլյամ Սարոյանի տուն-թանգարանը:
2019-«Իմ քայլի» պատգամավոր Էդգար Առաքելյանը հրաժարվել է իր պատգամավորական մանդատից:

ԱՇԽԱՐՀՈՒՄ

1541- օսմանյան զորքերը գրավել են հունգարական թագավորության մայրաքաղաք Բուդան:
1619 – ծնվել է ֆրանսիացի քաղաքական գործիչ Ժան Բատիստ Կոլբերը:
1632 – ծնվել է բրիտանացի մանկավարժ և փիլիսոփա Ջոն Լոկը:
1698 –Պետրոս Մեծը հրամայել է իր ենթականերին սափրել մորուքները և կրել եվրոպական զգեստ: 
1756 – Պրուսիայի թագավոր ֆրիդրիխ 2-րդն իր 60 հազարանոց բանակով ներխուժել է Սաքսոնիա սկիզբ դնելով 7-ամյա պատերազմին (1756—1763):
1758 –ԱՄՆ-ի Նյու- Ջերսի նահանգում ստեղծվել է առաջին հնդկացիական ռեզերվացիան:
1780 – ծնվել է ֆրանսիացի նկարիչ Ժան Օգյուստ Դոմինիկ Էնգրը:
1799 – վախճանվել է Հռոմի պապ Պիոս 6-րդը: 
1831 - Մայքլ Ֆարադեյը բացահայտում է էլեկտրամագնիսական ինդուկցիայի երևույթը:
1862– ծնվել է բելգիացի ֆրանսալեզու գրող, բանաստեղծ, դրամատուրգ, փիլիսոփա և Նոբելյան մրցանակակիր Մորիս Մետերլինկը:
1883 –Օտտավայում Թոմաս Ախերնը ցուցադրել է առաջին էլեկտրական սղոցը:
1885 – գերմանացի ինժիներ Գոտլիբ Դայմլերը արտոնագրել է մոտոցիկլը:
1897– Բազելում տեղի է ունեցել առաջին սիոնական կոնգրեսը։
1904- վախճանվել է օսմանյան 33-րդ սուլթան Մուրադ 5-րդը:
1907- Քվեբեքում փլուզվել է կառուցվող կամուրջը, որի արդյունքում զոհվել է 75 աշխատող:
1929-գերմանական «Գրաֆ Ցեպելին» դիրիժաբլը ավարտել է իր առաջին շուրջերկրյա թռիչքը:
1941 - նացիստական Գերմանիան զավթել է Էստոնիայի մայրաքաղաք Տալլինը:
1946 – ծնվել է ամերիկացի լեգենդար հեռացատկորդ Բոբ Բիմոնը:
1949– ԽՍՀՄ-ում Սեմիպալատինսկում փորձարկվել է առաջին խորհրդային ատոմային ռումբը` ՌԴՍ-1-ը։
1958 –ծնվել է  ամերիկացի երգիչ, պարող, պրոդյուսեր և գործարար Մայքլ Ջեքսոնը, որը  13 անգամ գրանցվել է «Գինեսի ռեկորդների գրքում» և համարվում է բոլոր ժամանակների ամենանշանավոր և ազդեցիկ արտիստներից մեկը։
1966- վախճանվել է եգիպտացի աստվածաբան, փիլիսոփա և գրող Սայիդ Կութուբը:
1982– Գերմանիա Դարմշտադտ քաղաքի Ծանր իոնների ինստիտուտում հայտնաբերվել է պարբերական աղյուսակի 109-րդ քիմիական տարր Մայտներիումը։
1993-Ադրբեջանում տեղի ունեցած հանրաքվեում ընտրողներն անվստահություն են հայտնել Աբուլֆազ էլչիբեյին, և նա պաշտոնապես հեռացվել է պաշտոնից։
1995-մահափորձ է իրականացվել էդուարդ Շևարդնաձեի նկատմամբ՝ խորհրդարանական ավտոկայանատեղի մոտակայքում պայթեցվել է նրա  «Նիվա», ավտոմեքենան, Շևարդնաձեն ստացել է թեթև վնասվածքներ։
2001- հայտնաբերվել է երկարակեցության գենը:
2004- տեղի է ունեցել 27-րդ  Ամառային Օլիմպիական խաղերի փակման արարողությունն Աթենքում (Հունաստան):
2005– սկսվել է «Փախուստ բանտից» ամերիկյան հեռուստասերիալի առաջին ցուցադրությունը։
2012– Լոնդոնում սկսվել են  15-րդ Ամառային Պարաօլիմպիկ խաղերը:

Կ. Խաչիկյան