Իլյա Պապոյանը «Սիրիուսի» բեմ դուրս կգա Չայկովսկու անվան միջազգային մրցույթի դափնեկրի կարգավիճակով

Alphanews.am-ը գրում է.

Oգոստոսի 25-ին և 26-ին «Սիրիուս» գիտության և արվեստի այգում տեղի կունենան ամառային երաժշտական մեծ փառատոնի եզրափակիչ համերգները:

Բեմում հանդես կգա Սանկտ Պետերբուրգի ֆիլհարմոնիկ նվագախումբը։ Գլխավոր դիրիժորը Նիկոլայ Ալեքսեևն է, մենակատարը՝ միջազգային մրցույթների դափնեկիր, դաշնակահար Իլյա Պապոյանը:

«Ամառային երաժշտական մեծ փառատոնի եզրափակիչը մեծ տոն կլինի դասական երաժշտության բոլոր երկրպագուների համար։ Փառատոնին հանդես կգա Ռուսաստանի ամենահին նվագախումբը՝ Սանկտ Պետերբուրգի ֆիլհարմոնիկ նվագախումբը, որի գեղարվեստական ղեկավարն է լեգենդար Յուրի Տեմիրկանովը։

Մենք ուրախ ենք, որ նրա մասնակցությունը փառատոնին դառնում է գեղեցիկ ավանդույթ: Ընթացիկ մրցաշրջանում այն կյանքի կկոչվի հրաշալի դաշնակահար Իլյա Պապոյանի հետ համագործակցությամբ, որի կայացման պատմությունը սերտորեն կապված է «Սիրիուս» կրթական կենտրոնի հետ»,- նշել է «Տաղանդ և հաջողություն» հիմնադրամի գեղարվեստական ղեկավար Հանս-Յոահիմ Ֆրայը:

Գլխավոր դիրիժոր Նիկոլայ Ալեքսեևը նշել է, որ դաշնակահար Իլյա Պապոյանին վաղուց են առաջարկել հաղորդումներից մեկում մեներգիչ դառնալ: Այդ ընթացքում Իլյան ևս մեկ փայլուն հաղթանակ է տարել և «Սիրիուսի» բեմ դուրս կգա արդեն Չայկովսկու անվան միջազգային մրցույթի դափնեկրի կարգավիճակով: