Ծանոթ ու միառժամանակ անհայտ…Տոնային քսուք
ՎԵՐԼՈՒԾՈՒԹՅՈՒՆՆԵՐ
Տոնային քսուկ
Հին ժամանակներում եգիպտացի կանայք փորձում էին իրենց մաշկը գունատ դարձնել, քանի որ դա գեղեցիկ էր համարվում: Այդ նպատակով նրանք տարբեր միջոցներ էին օգտագործում, որոնք, ըստ էության, կարող են համարվել առաջին տոնային քսուքները: Այդ նպատակով ամենաշատը օգտագործվում էր ալյուրի, կարագի և կավիճի խառնուրդը: Առաջին ժամանակակից տոնային քսուքը ստեղծվել է 1936 թվականին այդ տարիների թիվ մեկ դիմահարդար-կոսմետոլոգ Մաքս Ֆակտորի կողմից: Այդ ժամանակ կանայք արդեն իսկ ակտիվորեն օգտագործում էին շրթներկ, կարմրաներկ (ռումյանա) և տուշ, իսկ տոնային քսուքները օգտագործվել էին միայն դերասանները: Դիմափոշին (պուդրա) մեծ դեֆիցիտ էր, և այն արտադրում էին միայն մի քանի ընկերություններ: Մաքս Ֆակտորը կոսմետիկայի արտադրության սեփական ընկերությունը ուներ և հանդիսանում էր կինոարտադրության համար պահանջվող կոսմետիկայի մատակարար: Այն ժամանակ կոսմետոլոգը նկատել էր, որ խիտ դիմահարդարումը և դիմափոշին դերասանի դեմքին տալիս են դիմակի նմանություն և դեմքը դառնում է անբնական։ Բանն այն է, որ սկզբից դերասանների դեմքին յուղերի ու մոմի խառնուրդ էին քսում, որից հետո ակտիվորեն դիմափոշի ցանում: Այս ամենը պահանջում էր դիմահարդարի ճշգրիտ աշխատանք իսկ առաջացած անբնական դիմագծերի էֆեկտը վերացվում էր գրագետ կերպով լուսավորելու շնորհիվ: Եվ Մաքս ֆակտորը որոշեց միավորել յուղը , մոմը և փոշին, նպատակ ունենալով ստեղծել դիմահարդարման նյութի այնպիսի նոր տեսակ, որը կլինի հեղուկ քսուքի տեսքով: Ստեղծված նոր նյութը հեշտությամբ էր քսվում դեմքին սպունգի օգնությամբ , և ամեն ինչ ստացվում էր շատ բնական: Մաքս Ֆակտորի գյուտը իսկապես կարելի է հեղափոխական համարել, քանի որ տոնային քսուքը նաև հնարավորություն էր տալիս կանանց այն օգտագործել առօրյա կյանքում: Նախկինում օգտագործվող դիմափոշին չափազանց չոր էր, և անհավասարաչափ էր նստում դեմքին և հաճախ անգամ ընդգծում մաշկի թերությունները և կնճիռները: Մաքս Ֆակտորի նոր քսուկը հավասարապես էր ծածկում մաշկը և բաց տեղեր չէր թողնում: Այդ իսկ պատճառով, այս կոսմետիկ արտադրանքը կարելի է անվանել անցյալ դարի կոսմետիկայի ոլորտի ամենահաջողված գյուտերից մեկը: Տոնային քսուքի շնորհիվ դերասանները ստացան արագ և բարձրորակ դիմահարդարման հնարավորություն: Անգամ Չարլի Չապլինը նկարահանելուց առաջ օգտագործում էր Մաքս ֆակտորի գյուտը: Ժամանակակից արտադրողները այսօր առաջարկում են տարբեր երանգների և տարբեր հիմքերով քսուքների հսկայական ընտրանի: Ներկայումս բոլոր տոնային քսուքները տարբերակվում են խտության աստիճանով: Ամենաթեթևները անվանվում են տոնային խոնավացուցիչներ: Դրանք կարող են օգտագործվել մաքուր մաշկով աղջիկները ցերեկային քսուքի փոխարեն, եթե կարիք չունեն թաքցնել դեմքի թերությունները: Այդ քսուքները միայն մի քիչ հավասարեցնում են տոնայնությունը, խոնավեցնում և սնուցում են մաշկը: Միջին խտության տոնուսային քսուքները կարող են կատարյալ կերպով հավասարեցնել մաշկի գույնը և թաքցնել որոշ թերություններ, ինչպիսիք են թեփոտելը և կարմրությունը: Եվ վերջապես, բարձր խտությամբ քսուքները մասնագիտական խնամքի միջոցներ են և օգտագործվում են լուրջ թերությունները, ինչպիսիք են պզուկները, սպիները և այլն թաքցնելու համար: Առաջարկվող տոնային քսուքների շրջանակը շատ լայն է, ուստի ժամանակակից կանայք հեշտությամբ կարող են ընտրել իրենց տոնային քսուքը` կախված մաշկի տեսակից և գույնից:
Կ. Խաչիկյան
