Վրաստանի ժողովուրդը տառապում է Ռուսաստանի պատճառով․ ԱՄՆ պետքարտուղար

ԱՄՆ Պետդեպարտամենտը հայտարարություն է տարածել Վրաստան ռուսական ներխուժման 15-ամյակի կապակցությամբ։ ԱՄՆ-ն հայտարարում է, որ ճնշում է գործադրելու Ռուսաստանի վրա՝ կատարելու 2008 թվականի հրադադարի համաձայնագրով ստանձնած պարտավորությունները։

ԱՄՆ պետքարտուղար Էնթոնի Բլինկենը հայտարարություն է արել, որում աջակցություն է հայտնել Վրաստանի ինքնիշխանությանն ու տարածքային ամբողջականությանը, գրում է Ամերիկայի ձայնը։

«15 տարի առաջ Ռուսաստանը ներխուժեց Վրաստանի ինքնիշխան պետություն և օկուպացրեց դրա տարածքի 20 տոկոսը»,- ասվում է հայտարարության մեջ։ – Միացյալ Նահանգները հետևողականորեն աջակցել է Վրաստանի ինքնիշխանությանը և տարածքային ամբողջականությանը միջազգայնորեն ճանաչված սահմաններում։ Ռուսաստանի գործողություններն ընդմիշտ փոխել են այս հակամարտությունից տուժած մարդկանց կյանքը։ Ռուսաստանի գործողություններն օկուպացիայի ժամանակ, ներառյալ Կրեմլի արատավոր ապատեղեկատվական արշավները և բնակչության զանգվածային տեղահանումները, դեռևս անասելի տառապանքներ են պատճառում, ասվում է պետքարտուղարի հայտարարության մեջ: «Ինչպես Ուկրաինայում, Վրաստանի ժողովուրդը կրում է միջազգային իրավունքի նկատմամբ Ռուսաստանի արհամարհանքի և իր հարևանների վրա գերիշխելու ցանկության հետևանքները», - ասվում է հայտարարության մեջ: