«Հայաստանը շատ է կախված Ռուսաստանից». Միխայիլ Գալուստյանը Հայաստանի քաղաքացություն ստանալու մասին
ՀԱՍԱՐԱԿՈՒԹՅՈՒՆ
Kino-teatr.ru-ն գրում է, որ Ապրիլին հայտնի դարձավ, որ Միխայիլ Գալուստյանը Հայաստանի քաղաքացիություն է ստացել։ Քաղաքական և տնտեսական ցնցումների ֆոնին պայթած այդ լուրը սպասելի արձագանք առաջացրեց, մասնագետները կասկածում էին Գալուստյանի «այլընտրանքային օդանավակայան» պատրաստելու մեջ։ Վերջերս տված հարցազրույցում Գալուստյանը ևս մեկ անգամ բացատրել է, թե ինչու է դարձել Հայաստանի քաղաքացի:
«Եթե ես ուզենայի ինձ համար «նահանջ» պատրաստել, երևի թե չէի «նահանջի» Հայաստան։ Ինձ թվում է, որ Հայաստանն այնպիսի երկիր է, որը կախված է Ռուսաստանից, և շատ տարօրինակ է ընտրել Հայաստանը որպես նահանջի ճանապարհ։ Շատ տարօրինակ է, որ ինչ-որ մեկն ինձ «յուրային» էր համարում, իսկ երկրորդ քաղաքացիություն ստանալուց հետո ես դադարեցի նրա համար «յուրայինը» լինել։ Ասես անձնագիր ստանալով փոխեցի հայացքս։ Ես մտածում եմ ռուսերեն, իմ մայրենի լեզուն ռուսերենն է, գլխումս ռուսերեն մտքեր ու բառեր կան։ Երակներումս հայի արյուն է հոսում, և ես ինձ հայ եմ զգում. Ի՞նչն է ինձ խանգարում լինել Հայաստանի քաղաքացի, եթե դա օրենքով արգելված չէ։ Ընդհանուր առմամբ, շատ հայեր են ցանկանում ստանալ Հայաստանի քաղաքացիություն։ Շառլ Ազնավուրը, լինելով Ֆրանսիայի քաղաքացի, Հայաստանի քաղաքացիություն է ստացել մեծ տարիքում։ Արդյո՞ք նա ցանկանում էր հեռանալ Ֆրանսիայից: Ես կասկածում եմ: Կալիֆոռնիայի բազմաթիվ հայեր ցանկանում են ստանալ Հայաստանի քաղաքացիություն: Ի՞նչ է, նրանք ուզում են լքել Կալիֆոռնիան՝ ինչ որ պահեստային ուղի՞ են փնտրում: Դե, հիմա այնպիսի ժամանակներ են, որ միգուցե ես ճիշտ ժամանակին չեմ ստացել այդ քաղաքացիությունը։ Դե, կներեք, երբ տվել են, այն ժամանակ էլ տվել են։ Ես՝ հայս, չե՞մ կարող հայկական անձնագիր ստանալ: Չհրաժարվելով Ռուսաստանի քաղաքացիությունից ես Ռուսաստանում հարկ եմ վճարում, իմ հայրենիքը Ռուսաստանն է: Էթնիկական և պատմական առումով ես բոլոր իրավունքներն ունեմ ունենալ հայկական անձնագիր: Եվ ես ոչ մի բացատրություն չէի գրի սոցցանցերում, բայց այն պատճառով, որ ինչ-որ մեկը սկսել է պտտել այս պատմությունը, ես ստիպված եմ իմ գործողությունները բացատրել»:
Նյութը հրապարակման պատրաստեց Կամո Խաչիկյանը
