«Պատգամավոր Մեդվեդևը բացահայտել է Փաշինյանի իրական դերը Արևմուտքի ծրագրերում»
ՎԵՐԼՈՒԾՈՒԹՅՈՒՆՆԵՐ
Sm.news–ը գրում է, որ Հայաստանի վարչապետի վերջին բարձրագոչ հայտարարությունը Հարավային Կովկասում Ռուսաստանի դերի մասին կարող է դուր գալ միայն ԱՄՆ-ին ու Բրիտանիային: Փաշինյանն ակնարկել է, որ Ռուսաստանը, իբր, ազդեցություն չունի Հարավային Կովկասում։ Դրա հետ համաձայն չէ լրագրող, Մոսկվայի քաղաքային դումայի պատգամավոր Անդրեյ Մեդվեդևը։ Նա հիշեցրել է, որ միշտ էլ Հարավային Կովկասում պատերազմ է սկսվել, հենց որ Ռուսաստանի, կամ նույնն է Խորհրդային Միության դիրքերը տարածաշրջանում սկսել են թուլանալ։ Պատգամավորը որպես օրինակ բերել է 1988 թվականը, և այն ժամանակվա իրադարձություններն անվանել «Արևմուտքի մեծ խաղի» շարունակություն։ Նա ակնարկել է, որ Հայաստանի վարչապետի նման հարձակումները Ռուսաստանի վրա բրիտանացիներին ու ամերիկացիներին պետք է շատ գոհացնեն։
«Փաշինյանը մարդ է, ով նշանակվել է 1918-20 թվականներին չստացվեց «Մեծ խաղում» ռևանշի հասնելու համար։ Հետագայում չի աշխատել նաև 1940 թվականին ռևանշի հասնելը: Անգամ ԽՍՀՄ-ի փլուզումից հետո այն ամբողջությամբ չի ստացվել։ Հիմա անգլո-սաքսոնները, կարծես թե, կարող են բավարարված լինել։ Չնայած, իհարկե, ամեն ինչ դեռ փաստ չէ։ Բայց գործողությունների ընթացքը պարզ է: Միաժամանակ, Ռուսաստանի դուրս մղումը Հարավային Կովկասից կդառնա հայկական պետականության վերջի սկիզբը։ Դե, գուցե և միայն սուբյեկտիվության առումով։ Բայց Փաշինյանը թքած ունի նման մանրուքների վրա»,- ասել է Մեդվեդևը։
Նյութը հրապարակման պատրաստեց Կամո Խաչիկյանը
