Անտարկտիդայից հսկայական այսբերգ է պոկվել. Ճիշտ է, այն պոկվել է դեռեւս 1986 թվականին, բայց կարճ ժամանակ անց ծանծաղուտն է ընկել։ Իսկ վերջերս A23a ինդեքսը ստացած այսբերգը կրկին սկսել է շարժվել, հայտնում է «Аргументы и Факты»-ն: A23a-ն սառույցի հսկա բլոկ է
ՄԻՋԱԶԳԱՅԻՆ
Անտարկտիդայից հսկայական այսբերգ է պոկվել. Ճիշտ է, այն պոկվել է դեռեւս 1986 թվականին, բայց կարճ ժամանակ անց ծանծաղուտն է ընկել։ Իսկ վերջերս A23a ինդեքսը ստացած այսբերգը կրկին սկսել է շարժվել, հայտնում է «Аргументы и Факты»-ն:
A23a-ն սառույցի հսկա բլոկ է, որի մակերեսը կազմում է մոտ 4170 քառակուսի կիլոմետր, այն երկու անգամ մեծ է Սանկտ Պետերբուրգից: Այսբերգը շարժվում է Անտարկտիդայի ափով ամսական 150 կիլոմետր արագությամբ։
Այսբերգը կարող է վտանգավոր լինել առևտրային և ձկնորսական նավակների համար, քանի որ դրա մեծ չափերը կարող են հանգեցնել բախումների, որոնք կարող են լուրջ վնաս և վտանգ առաջացնել անձնակազմի համար:
A23a-ի վարքագիծը կախված է տարբեր գործոններից, ինչպիսիք են եղանակը, օվկիանոսային հոսանքները և ստորջրյա տեղագրությունը: Հնարավոր են տարբեր սցենարներ, այդ թվում՝ սառցաբեկորը կարող է դուրս գալ բաց ջրեր և սկսել հալվել, հայտնում է Planeta Today-ը։
Գիտնականները կշարունակեն վերահսկել այսբերգը և կանխատեսումներ անել դրա վարքագծի վերաբերյալ՝ տարածաշրջանում շրջակա միջավայրի և մարդու գործունեության հնարավոր հետևանքները ավելի ճշգրիտ գնահատելու համար։
