ԱՄՆ-ի դեսպանը շշմեցրել է հայերին մի քանի խոսք ասելով Ղարաբաղի մասին. Ժամանակն է պատասխանել մի հարցի
ՎԵՐԼՈՒԾՈՒԹՅՈՒՆՆԵՐ
Tsargrad.tv-ն գրում է, որ Ադրբեջանի կազմում Լեռնային Ղարաբաղի բնակիչների անվտանգությունը հնարավոր է: Նման կարծիք է հայտնել Հայաստանում ամերիկյան դիվանագիտական առաքելության ղեկավար Քրիստինա Քուինը Հայաստանի հանրային հեռուստաընկերությանը տված իր հարցազրույցում։ Դիվանագիտական առաքելության ղեկավարն ասել է, որ, ըստ Վաշինգտոնի, Ադրբեջանի կազմում հայերի անվտանգ կյանքը հնարավոր է։ Սակայն դրա համար, ինչպես պարզաբանել է Քուինն, անհրաժեշտ է որոշակի ջանքեր գործադրել, այդ թվում միջազգային երաշխիքների տրամադրման հետ կապված։
Այդ խոսքերին արձագանքել է քաղաքագետ Անդրանիկ Հովհաննիսյանը: Նա հիշեցրել է, որ Միացյալ Նահանգները հուլիսի 4-ին ընդունել են Անկախության հռչակագիրը։ Այդ առիթով Հայաստանի կամ Լեռնային Ղարաբաղի ԱԳՆ-ն, ըստ փորձագետի, կարող էր ամերիկացի դիվանագետին դիմել հետևյալ հարցով. «Արդյո՞ք դեսպանը սխալ է համարում ԱՄՆ Անկախության հռչակագրի ընդունումը, և ինչու՞ ամերիկացիները չպետք է նորից վերադառնան Մեծ Բրիտանիայի կազմ իրենց իրավունքներին և անվտանգությանը նկատի ունենալով»։
Եզրափակելով Հովհաննիսյանը վստահություն է հայտնել, որ, իհարկե, հայ դիվանագետներից ոչ ոք այս հարցը չի տա Քրիստինա Քուինին։
Հիշեցնենք, որ Լեռնային Ղարաբաղի բնակիչները մի քանի տասնամյակ պայքարում են իրենց ինքնորոշման իրավունքի համար։ Նրանք չեն ցանկանում ապրել Ադրբեջանի կազմում, ինչի վրա, ըստ երևույթին, Երևանում ներկայումս պարզապես աչք են փակում, և դա առաջացնում է Ղարաբաղի իշխանությունների չափազանց սպասված արձագանքը։
Նյութը հրապարակման պատրաստեց Կամո Խաչիկյանը
