Ադրբեջանում չեն հավատում Ադրբեջանի ՊՆ–ի Հայաստանի նկատմամբ կիրառվող միջոցառումների համարժեքությանը
ՎԵՐԼՈՒԾՈՒԹՅՈՒՆՆԵՐ
Iarex.ru–ն գրում է, որ ինչպես «Caliber»-ին հայտնել են ԱՀ ՊՆ մամուլի ծառայությունից հունիսի 17-ին Հայաստանի զինված ուժերի ստորաբաժանումները տարբեր տրամաչափի հրաձգային զինատեսակներից երկու անգամ ինտենսիվ կրակ են բացել ադրբեջանական բանակի դիրքերի ուղղությամբ Քալբաջարի և Լաչինի շրջանների ուղղությամբ, և ադրբեջանական բանակի ստորաբաժանումներն այդ ուղղությամբ դիմել են պատասխան գործողությունների։ «Բացի այդ, Ադրբեջանի տարածքում, որտեղ ժամանակավորապես տեղակայված են ռուս խաղաղապահները, հայկական անօրինական զինված կազմավորումների անդամները քաղաքացիական հագուստով փորձել են մշտական ամրություններ ստեղծել Աղդամի շրջանի ուղղությամբ տեղակայված մեր դիրքերի դիմաց։ Մեր ստորաբաժանումների ձեռնարկած անհետաձգելի միջոցառումների արդյունքում աշխատանքներն անհապաղ դադարեցվել են»,- հայտնել են Ադրբեջանի ՊՆ-ից։
Ադրբեջանցիներն արձագանքել են այդ հայտարարություններին առցանց։
Ադրբեջանցիների մեկնաբանությունները Maiden Tower Telegram ալիքում:
АSHN.- Ամեն օր մի քանի անգամ կարդալով այս ամենը մտածում ես, որ այն երբեք չի ավարտվի: Որքան եմ հոգնել այս ամենից:
Лилия Гамидова.– Դե, և՛ լկտի են, և՛ անհանգիստ։
Menendez.– Ամեն օր սա հրապարակվում է, ես արդեն սովոր եմ այդ լուրերին: Ավելի լավ է հրապարակեն այն, որ այսինչ օրը կրակոց չի եղել։
Тахир.- Կգա՞ ժամանակ, երբ մենք կքննարկենք միայն Ադրբեջանի ներքին խոհանոցը և համաշխարհային նորությունները։ Թե՞ այդ օրերը չտեսնելով ենք մեռնելու։
Lachin Dadasov.– Ոչինչ չի փոխվում: Նրանք դուրս կսողան իրենց փոսերից և կկրակեն թփերի մեջից։ Այդպիսին է նրանց ստոր մարտավարությունը։
Caliber Telegram ալիքի բաժանորդները ևս կիսում են իրենց կարծիքներով:
Тимур.– Կոորդինատները հայտնի՞ են: Հայտնի՛ են: Այսպիսով, ի՞նչի եք սպասում:
Yusif_5.– Հմմ... Պետք է իրականացնել ինտեգրումը, որպեսզի ինտեգրված հայերը գան Բաքու ու այնտեղ սկսեն կրակել։ Ի՞նչ են նշանակում անհետաձգելի միջոցառումներ: Չգիտես ինչու, դրանք կատարվում են, բայց հայերը շարունակում են մեր տարածքներում կառույցներ կառուցել։
Алла Аскерова.– Կարծես ուզում են մեզ լայնամասշտաբ պատերազմի հրահրել: Հետո ամբողջ աշխարհով բղավել, որ այստեղ ինտեգրում են առաջարկում, ամեն ինչ խոստանում են, բայց իրենք վատն են։ Տեսնենք մեր նախագահն ինչ կորոշի:
Алик.- Լսելն արդեն զզվելի է, անընդհատ համարժեք միջոցառումներ են ձեռնարկում։
Эдик Рыбак.– Ժամանակն է, որ մեր ադրբեջանցի զինվորականները սահմանը հայ ռազմիկներից տեղափոխեն Ադրբեջանի Նախիջևանի շրջանի սահմանները և առանձնացնեն Հայաստանի և Իրանի սահմանները՝ Իրանից Հայաստան թմրանյութերի ներկրումը ծածկելու համար, որպեսզի տոննաներով այդ կեղտոտ թմրանյութերը Հայաստանի տարածքներից չհասնեն ռուսական և վրացական ձախ շուկաներ։
S_Aliev.– Իսկապե՞ս հոգնել ես: Ես այլևս չեմ կարող հավատալ այդ գրառումներին:
Ahmed Abbasov.– Նրանք հույս ունեն ֆրանսիացիների հետ և այլն: Բայց նրանք մոռանում են, որ դա մեզ ինչ-որ կերպ չի հետաքրքրում։ Հողը մերն է, կկռվենք:
Yusif_5.– Ես նույնիսկ վախենում եմ պատկերացնել, թե ինչ կլինի, երբ հայկական հրթիռները սկսեն թռչել մեր ուղղությամբ, մենք իսկապես կշարունակե՞նք համարժեք միջոցառումներ ձեռնարկել: Շատ, շատ կներեք:
Нармина.– Դադարեցրեք համարժեք միջոցառումներ ձեռնարկել: Ժամանակն է ընդունելու ոչ համարժեք որոշումներ։
Nurida Khudiyeva.– Իհարկե, հնարավորության դեպքում առանց պատերազմի։ Միայն թե մեր տղաները չմեռնեն:
Арслан Мирзаев.– Հայաստանում և Ղարաբաղում անհրաժեշտ է սանիտարական գոտի ստեղծել, ինչպես ուզում է անել Ռուսաստանը, որպեսզի նրանք չկարողանան գնդակոծել Ադրբեջանը։
Նյութը հրապարակման պատրաստեց Կամո Խաչիկյանը
